Cristiano Ronaldo Dainik Gomantak
क्रीडा

FIFA World Cup 2022: रोनाल्डो उतरणार मैदानात, पाचव्या दिवसाच्या सामन्यांचे वेळापत्रक वाचा एका क्लिकवर

फिफा फुटबॉल वर्ल्डकप 2022 मध्ये पाचव्या दिवशी ख्रिस्तियानो रोनाल्डो पोर्तुगालकडून खेळताना दिसणार आहे.

गोमन्तक डिजिटल टीम

FIFA World Cup 2022: कतारमध्ये फिफा फुलबॉल वर्ल्डकपचा थरार सुरु असून गुरुवारी म्हणजेच स्पर्धेच्या 5 व्या दिवशीही रोमांचक सामने पाहायला मिळण्याची चाहत्यांना अपेक्षा आहे. गुरुवारी स्टार खेळाडू ख्रिस्तियानो रोनाल्डोही मैदानात उतरणार आहे. दरम्यान पाचव्या दिवशी कोणकोणते सामने होणार जाणून घेऊ.

स्वित्झर्लंड विरुद्ध कॅमेरून

पाचव्या दिवसातील पहिला सामना ग्रुप जी मधील स्वित्झर्लंड विरुद्ध कॅमेरून संघात होणार आहे. हा सामना अल जानोब स्टेडियम येथे होणार असून भारतीय प्रमाणवेळेनुसार दुपारी 3.30 वाजता सुरु होईल. या सामन्यात कॅमरुनचे आक्रमण विरुद्ध स्वित्झर्लंडचा बचाव अशी लढत पाहायला मिळू शकते. यापूर्वी हे दोन्ही संघ एकदाही आमने-सामने आले नाहीत, त्यामुळे ते पहिल्यांदाच एकमेकांविरुद्ध खेळताना दिसणार आहेत.

उरुग्वे विरुद्ध कोरिया रिपब्लिक

गुरुवारी दुसरा सामना उरुग्वे विरुद्ध कोरिया रिपब्लिक संघात होईल. एज्युकेशन सिटी स्टेजियम येथे होणारा हा सामना भारतीय प्रमाणवेळेनुसार संध्याकाळी 6.30 वाजता सुरु होईल. हा ग्रुप एचमधील सामना आहे. याआधी हे दोन संघ दोन वेळा आमने-सामने आले होते आणि या दोन्ही सामन्यांत उरुग्वेने विजय मिळवलेला.

कोरियाचा सन ह्युंग-मिन हा त्याच्यावर डाव्या डोळ्याजवळ झालेल्या शस्त्रक्रियेमुळे या सामन्यात मास्कसह खेळताना दिसेल. दरम्यान, उरुग्वे स्पर्धेत डार्क हॉर्स म्हणून सामील झाले आहेत. तसेच त्यांच्या संघात अनेक अनुभवी खेळाडूंचा समावेश आहे.

पोर्तुगाल विरुद्ध घाना

ग्रुप एफ मधीलच पोर्तुगाल विरुद्ध घाना संघात पाचव्या दिवसातील तिसरा सामना होणार आहे. दरम्यान, या सामन्यात रोनाल्डो (Cristiano Ronaldo) मैदानात खेळताना दिसणार असल्याने सर्वांचेच सामन्यावर लक्ष असणार आहे.

हा सामना स्टेडियम 974 येथे होणार आहे. तसेच भारतीय प्रमाणवेळेनुसार सामन्याला रात्री 9.30 वाजता सुरुवात होईल. यापूर्वी हे दोन संघ एकदाच एकमेकांना भिडले असून त्यात पोर्तुगालने विजय मिळवला होता.

ब्राझील विरुद्ध सर्बिया

गुरुवारी रात्री उशीरा 12.30 वाजता ब्राझील विरुद्ध सर्बिया यांच्यातील सामना रंगेल. ग्रुप जी मधील हा सामना लुसेल स्टेडियमवर होणार असून हा सामनाही रोमांचक होण्याची अपेक्षा चाहत्यांना आहे. यापूर्वी हे दोन संघ 5 वेळा आमने-सामने आले होते. त्यातील 2 सामने ब्राझीलने जिंकले असून 1 सामने सर्बियाने जिंकला आहे. तसेच 2 सामने बरोबरीत सुटले आहेत.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

IND vs WI 2nd Test: शुभमन गिल दिल्लीत रचणार 'महाकीर्तिमान'? डॉन ब्रॅडमनचा मोठा रेकॉर्ड निशाण्यावर; कराव्या लागणार फक्त 'इतक्या' धावा!

घरात भांडण करुन पळाले, कच्छच्या जंगलात गाववाल्यांनी पकडले, अल्पवयीन पाकिस्तानी जोडप्याने प्रेमासाठी पार केली देशाची सीमा

Fishing Boat Accident: काणकोणातील राजबाग किनाऱ्यावर पुन्हा बोट उलटली, स्थानिक मदतीसाठी धावले!

Viral Video: बिहारमधून दिसू लागला हिमालय आणि माऊंट एव्हरेस्ट; मनमोहक व्हिडिओ आला समोर Watch

Goa Politics: आमदार भाजपमध्ये जाणार नाहीत याची गॅरंटी द्या! ‘आप’चा काँग्रेससोबत युतीस स्पष्ट नकार

SCROLL FOR NEXT