Eoin Morgan Retirement Announced: 2019 चा विश्वचषक इंग्लंडला जिंकून देणाऱ्या इऑन मॉर्गनने क्रिकेटच्या सर्व फॉरमॅटमधून निवृत्ती जाहीर केली आहे. इऑन मॉर्गनने सोशल मीडियावर एक पोस्ट शेअर करुन ही माहिती दिली आहे. इऑन मॉर्गनने गेल्या वर्षीच आंतरराष्ट्रीय क्रिकेटला अलविदा केला होता. आता त्याने सर्व फॉरमॅट सोडण्याचा निर्णय घेतला आहे.
इयॉन मॉर्गनने 225 एकदिवसीय सामन्यांमध्ये 13 शतकांसह 6957 धावा केल्या आहेत. एकदिवसीय क्रिकेटमध्ये मॉर्गनच्या 14 शतकांसह 7701 धावा आहेत. त्याचवेळी, इयॉन मॉर्गनने 126 सामन्यांमध्ये इंग्लंडचे (England) नेतृत्व केले, ज्यामध्ये त्याने 76 जिंकले. त्याच्याच नेतृत्वाखाली इंग्लंडने पहिला विश्वचषक जिंकला होता.
इऑन मॉर्गनने आपल्या आंतरराष्ट्रीय कारकिर्दीची सुरुवात आयर्लंड संघाकडून खेळून केली. आयर्लंडनंतर मॉर्गनने इंग्लंड क्रिकेटमध्ये (Cricket) पदार्पण केले. इयॉन मॉर्गन त्याच्या कारकिर्दीत नेहमीच लहान फॉरमॅटचा खेळाडू राहिला आहे, म्हणूनच त्याने आपल्या कारकिर्दीत फक्त 16 कसोटी सामने खेळले.
इऑन मॉर्गनने 115 टी-20 आंतरराष्ट्रीय सामन्यांमध्ये 2458 धावा केल्या आहेत. यादरम्यान त्याने 14 अर्धशतके झळकावली आहेत. मॉर्गनची टी-20 सर्वोत्तम धावसंख्या 91 धावा आहे. त्याने 16 कसोटी सामनेही खेळले असून, 700 धावा केल्या आहेत.
कसोटी सामन्यात मॉर्गनने दोन शतके आणि तीन अर्धशतके झळकावली आहेत. मॉर्गन 2019 च्या विश्वचषकापासून फॉर्ममध्ये नाही, त्याचा खराब खेळ पाहूनच त्याने आंतरराष्ट्रीय क्रिकेटला अलविदा केला होता.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.