Delhi High Court: टीम इंडियाचा माजी कर्णधार महेंद्रसिंग धोनीशी संबंधित खटल्याची गुरुवारी (18 जानेवारी रोजी) दिल्ली उच्च न्यायालयात सुनावणी झाली. दरम्यान, उच्च न्यायालयाने आपल्या रजिस्ट्रीला माजी कर्णधार एमएस धोनीला कळवण्यास सांगितले की, त्याच्या दोन व्यावसायिक भागीदारांनी त्याच्याविरुद्ध मानहानीचा खटला दाखल केला आहे.

फिर्यादी आणि माजी व्यावसायिक भागीदार मिहिर दिवाकर आणि त्यांची पत्नी सौम्या दास यांनी उच्च न्यायालयात धाव घेत धोनी, अनेक सोशल मीडिया प्लॅटफॉर्म आणि मीडिया हाऊस यांच्या विरोधात स्थायी आदेश आणि नुकसान भरपाईची मागणी केली आहे. त्यांना बदनामीकारक वक्तव्ये प्रकाशित, प्रसारण आणि प्रसारित करण्यापासून प्रतिबंधित करण्याची विनंती केली आहे.

दरम्यान, ही याचिका न्यायमूर्ती प्रतिभा एम सिंग यांच्यासमोर मांडण्यात आली आणि त्यांना सांगण्यात आले की फिर्यादींनी या याचिकेबाबत धोनीला माहिती दिली नव्हती. यावर न्यायमूर्तींनी रजिस्ट्रीला क्रिकेटपटू धोनीला ईमेलद्वारे कळवण्यास सांगितले की, दोन माजी व्यावसायिक भागीदारांनी त्याच्याविरुद्ध मानहानीचा खटला दाखल केला आहे.

दुसरीकडे, न्यायालयाने या प्रकरणावरील पुढील सुनावणी 29 जानेवारी निश्चित केली आहे. धोनीचा माजी व्यावसायिक भागीदार मिहिर दिवाकर आणि त्याची पत्नी सौम्या दास यांनी क्रिकेट अकादमी स्थापन करण्याच्या कराराचे उल्लंघन करुन 15 कोटी रुपयांच्या फसवणुकीच्या प्रकरणात क्रिकेटपटूला बदनामीकारक आरोप करण्यापासून रोखण्याची मागणी केली आहे.

तक्रारीतील आरोप आणि त्यासंबंधीची पुढील माहिती तपासण्यापूर्वी, प्रतिवादी क्रमांक 1 (एमएस धोनी) यांना सध्याचा खटला दाखल करण्याबाबत आणि मनाई आदेशाचा दावा सांगणे योग्य मानले जाते. न्यायाधीशांनी रजिस्ट्रीला प्रतिवादी क्रमांक 1 ला (एमएस धोनी) एक ईमेल जारी करण्यास सांगितले. अर्का स्पोर्ट्स कंपनी यांच्यातील करारामुळे हा खटला सुरु झाला आहे.