ऑक्टोबर-नोव्हेंबरमध्ये टी -20 विश्वचषकाचे (T20 World Cup) आयोजन होणार आहे. भारताने स्पर्धेचे आयोजन केल्यामुळे विराट कोहलीचा (Virat Kohali) संघ विजयाचा दावेदार मानला जात आहे. अशीही अटकळ आहे की जर विराट कोहली टीम इंडियाला (Team India) विश्वचषक (World Cup) मिळवू शकला नाही तर त्याला मर्यादित षटकांचे कर्णधारपद (Captaincy) गमवावे लागू शकते. मीडिया रिपोर्टमध्ये असा दावा केला जात आहे की, अशा परिस्थितीत टीमची कमान रोहित शर्माच्या (Rohit Sharma) हातात येऊ शकते.अशी शक्यता वर्तवली जात आहे. (BCCI will take a big decision about Virat Kohali's Captaincy Rohit Sharma will be a captain after T20 World Cup)

BCCIने टी -20 विश्वचषक जिंकण्याचा आपला हेतू आधीच व्यक्त केला आहे, कारण टीम इंडियाच्या निवडीबरोबरच बीसीसीआयने माजी कर्णधार एमएस धोनीलाही मेंटर म्हणून समाविष्ट केले आहे, ज्यांचे क्रिकेटमध्ये मोठा रणनीतीकार मानला जाते. आता एका न्यूज संस्थेच्या अहवालानुसार, टी -20 विश्वचषकानंतर विराट कोहली मर्यादित षटकांच्या कर्णधारपदाचा राजीनामा देणार आहे आणि रोहित शर्माला एकदिवसीय आणि टी -20 ची कमान मिळण्याची शक्यता वर्तवली जात आहे.

विराट कोहली कसोटी क्रिकेटमध्ये भारताचाच नव्हे तर जगातील सर्वात यशस्वी कर्णधारांपैकी एक आहे. मात्र, विराट कोहली मर्यादित षटकांमध्ये तितका प्रभावी ठरला नाही आणि त्याच्या नेतृत्वाखाली भारताने आतापर्यंत आयसीसीची एकही स्पर्धा जिंकलेली नाही.

बीसीसीआयच्या वरिष्ठ अधिकाऱ्यांनी विराट कोहलीशी मर्यादित षटकांमध्ये संघाच्या कर्णधारपदाच्या भविष्याबद्दल बोलल्याचा दावा केला आहे. एवढेच नाही तर WTC फायनलमध्ये विराट कोहलीने जो संघ निवडला आहे त्या संघ निवडीवर बीसीसीआय खुश नव्हता. डब्ल्यूटीसी फायनल दरम्यान, कोहलीने वेगवान गोलंदाजा ऐवजी अनुकूल आणि ढगाळ परिस्थितीत दोन फिरकी गोलंदाजांना संधी दिली आहे.

या बैठकीला बीसीसीआय अध्यक्ष सौरव गांगुली, उपाध्यक्ष राजीव शुक्ला, सचिव जय शाह आणि कोषाध्यक्ष अरुण धुमाळ उपस्थित होते. डब्ल्यूटीसी फायनलमध्ये दोन फिरकीपटूंसोबत पुढे जाण्याचा निर्णय बीसीसीआयच्या अधिकाऱ्यांशी फारसा आवडला नाही. टी -20 विश्वचषकानंतरही विराट कोहली कसोटी कर्णधार म्हणून कायम राहील याची खात्री आहे. रोहित शर्माच्या नेतृत्वाखालील मुंबई इंडियन्स पाच वेळा चॅम्पियन बनू शकले असल्याने, मर्यादित षटकांच्या कर्णधारपदाचा त्यांचा दावा खूप मजबूत आहे.