टीम इंडियाचा माजी कर्णधार आणि भारतीय क्रिकेट नियामक मंडळाचे (BCCI) विद्यमान अध्यक्ष सौरव गांगुली यांनी असे ट्विट केले होते, त्यानंतर त्यांनी आपल्या पदाचा राजीनामा दिला असल्याची चर्चा होती. बीसीसीआयचे सचिव जय शाह यांनी गांगुलीने आपल्या पदाचा राजीनामा दिला नसल्याची पुष्टी केली आहे. (BCCI secretary Jai Shah has confirmed that Ganguly has not resigned)

ANI नुसार, जय शाह म्हणाले, 'सौरव गांगुलीने भारतीय क्रिकेट नियामक मंडळाच्या अध्यक्षपदाचा राजीनामा दिलेला नाही.' गांगुलीचा बीसीसीआय अध्यक्ष म्हणून तीन वर्षांचा कार्यकाळ या वर्षी सप्टेंबरमध्ये संपणार आहे. गांगुलीने सोशल मीडियावर लिहिले की, '2022 मध्ये, माझा क्रिकेटचा प्रवास 30 वर्षांचा होईल, जो मी 1992 मध्ये सुरु केला होता. तेव्हापासून क्रिकेटने मला खूप काही दिले आहे.

गांगुलीने अमित शहा यांची भेट घेतली

गृहमंत्री अमित शाह यांनी 6 मे रोजी गांगुली यांची भेट घेतली होती. शाह गांगुलीच्या कोलकाता येथील निवासस्थानी डिनरसाठी पोहोचले होते. या दोघांच्या भेटीनंतर गांगुली भारतीय जनता पक्षात (भाजप) सामील होण्याची शक्यता वर्तवली जात होती. गेल्या वर्षीही याबाबत चर्चा झाली होती, मात्र त्यानंतर गांगुली यांनी भाजपमध्ये येण्यास नकार दिला होता.

सौरव गांगुलीची क्रिकेट कारकीर्द

सौरव गांगुलीने 1992 मध्ये ब्रिस्बेनमध्ये वेस्ट इंडिजविरुद्ध आंतरराष्ट्रीय पदार्पण केले. त्यानंतर 1996 मध्ये लंडनमधील लॉर्ड्सच्या मैदानावर इंग्लंडविरुद्ध पहिला कसोटी सामना खेळला. गांगुलीचा शेवटचा कसोटी सामना 2008 मध्ये ऑस्ट्रेलियाविरुद्ध नागपुरात झाला होता. 2007 मध्ये ग्वाल्हेरमध्ये पाकिस्तानविरुद्ध शेवटचा एकदिवसीय सामना खेळला होता. गांगुलीने 113 कसोटीत 42.17 च्या सरासरीने 7212 धावा केल्या. त्याचबरोबर 311 एकदिवसीय सामन्यांमध्ये 11363 धावा केल्या आहेत. यादरम्यान त्याची सरासरी 41.02 होती. गांगुलीने कसोटीत 16 आणि एकदिवसीय सामन्यात 22 शतके झळकावली आहेत.