Women T20 World Cup Dainik Gomantak
क्रीडा

Women T20 World Cup: ऑस्ट्रेलियाचा विजेतेपदाचा 'षटकार'

दक्षिण आफ्रिकेवर १९ धावांनी मात

Akshay Nirmale

Women T20 World Cup Finale : महिला टी-२० विश्वचषक स्पर्धेच्या अंतिम सामन्यात ऑस्ट्रेलियाच्या महिलांनी दक्षिण आफ्रिका संघावर १९ धावांनी मात करत विजेतेपदावर मोहर उमटवली. या विजेतेपदामुळे ऑस्ट्रेलियन महिला संघाने आता एकूण सहाव्यांदा विश्वचषक जिंकला आहे.

ऑस्ट्रेलियाने यापूर्वी 2010, 2012, 2014, 2018 आणि 2020 साली टी-20 विश्वविजेतेपदाला गवसणी घातली आहे.

ऑस्ट्रेलियाचे १५७ धावांचे लक्ष्य घेऊन मैदानात उतरलेल्या दक्षिण आफ्रिकेची सुरवात चांगली झाली होती. सलामीची फलंदाज लॉरा हिने ४८ चेंडुत ६१ धावांची खेळी केली. तिने ५ चौकारांसह ३ षटकार ठोकले. पण तिला इतर फलंदाजांची म्हणावी तशी साथ मिळाली नाही.

क्लोई टायरन हिने २५ धावा करत आव्हान निर्माण करण्याचा प्रयत्न केला, मात्र ऑस्ट्रेलियाच्या गोलंदाजीसमोर दक्षिण आफ्रिका निष्प्रभ ठरली. दक्षिण आफ्रिकेला निर्धारित २० षटकात ६ आऊट १३७ धावाच करता आल्या. ऑस्ट्रेलियाच्या शुट, गार्डनर, ब्राऊन, जोनासन यांनी प्रत्येकी एक विकेट घेतली.

तत्पुर्वी निर्धारीत २० षटकांत ऑस्ट्रेलियाच्या संघाने ६ बाद १५६ धावा केल्या. त्यांच्या बेथ मुनी हिने ५३ चेंडूत नाबाद ७४ धावांची खेळी केली. तिच्या खेळीत तिने ९ चौकार आणि १ षटकार मारला. तिला अॅशलीग गार्डनर हिच्या २९ धावांचीही साथ मिळाली.

याशिवाय सलामीला आलेल्या अॅलिसा हिली हीने १८ धावा फटकावल्या. दक्षिण आफ्रिकेकडून शबनिम इस्माईल आणि मेरीझेन काप यांनी प्रत्येकी दोन विकेट घेतल्या. तर क्लोई टायरन आणि मलाबा हीने प्रत्येकी एक विकेट घेतली.

दरम्यान, दक्षिण आफ्रिका संघ पहिल्यांदाच अंतिम सामन्यात पोहचला होता. दक्षिण आफ्रिकेचा पुरूष संघ देखील यापुर्वी कधीच क्रिकेट विश्वचषक स्पर्धेची अंतिम फेरी गाठू शकलेला नाही. त्यामुळे दक्षिण आफ्रिकेसाठी हा ऐतिहासिक सामना होता.

विशेष म्हणजे हा सामना घरच्या चाहत्यांसमोर घरच्या मैदानात खेळण्याची संधी दक्षिण अफ्रिकेच्या महिला संघाला मिळाली होती. पण त्यांचे स्वप्न भंगले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

‘गृहमंत्री गोव्‍याच्‍या मूडवर बोलले, गुंडगिरीवर नाही'; युरींचे टीकास्त्र; काणकोणकर हल्ल्याचा निषेध करण्यासाठी सांगे, कुंकळ्ळीत मेणबत्ती मोर्चा

RSS: 'महासत्तेसाठी संघ बनणार पंचप्राण'! CM सावंतांचे प्रतिपादन; गणवेषात विजयादशमी उत्सवात झाले सहभागी

Goa Politics: "तुम्ही भाजपची B-Team, आम्हीच तुम्हाला नाकारतो", काँग्रेस नेते सुरेंद्र राजपूत; गोवा निवडणुकीत काँग्रेस 'एकला चलो रे'

Diwali 2025: पणत्या बनवण्याचा वारसा मावळतोय! डिचोलीतील व्यवसाय अंधाराखाली; राज्याबाहेरील पणत्यांची चलती

Goa Police App: गोवा पोलिस आता ‘स्‍मार्ट’ मोबाईलवर! सूचना, सायबर सुरक्षिततेसंबंधी माहिती मिळणार तात्काळ

SCROLL FOR NEXT