भारत ऑस्ट्रेलिया (Ind Vs Aus T20) यांच्यात होत असलेल्या तीन T20 मालिकेतील पहिल्या सामन्यात ऑस्ट्रेलियाने भारतीय संघावर मात केली आहे. चार गडी आणि चार चेंडू राखून ऑस्ट्रेलिया विजयी झाले आहे. भारतीय संघाने दिलेले 208 धावांचे आव्हान ऑस्ट्रेलिया संघाने 19.2 षटकात पूर्ण केले. मॅथ्यु वेडने नाबाद 45 धावा करत ऑस्ट्रेलिया संघाला विजय मिळवून दिला. (Australia won first T20 by four wickets)

भारतीय संघाने प्रथम फंलदाजी करत 208 धावा उभारल्या. केएल राहुल आणि सूर्यकुमार यादव यांनी सुरूवातीच्या पडझडीनंतर तिसऱ्या विकेटसाठी 31 चेंडूत नाबाद 51 धावांची अर्धशतकी भागीदारी केली. केएल राहुलने 55 धावा केल्या, तर सूर्यकुमारने 25 चेंडूत 46 धावा केल्या. हार्दिक पंड्याच्या झंझावाती अर्धशतकामुळे भारतीय संघाने निर्धारित 20 षटकात 208 धावा केल्या.

ऑस्ट्रेलियाने भारताचे 209 धावांचे आव्हान 19.2 षटकातच पार करत तीन T20 सामन्यांच्या मालिकेत 1-0 अशी आघाडी घेतली. ऑस्ट्रेलियाकडून कॅमेरून ग्रीनने आक्रमक 61 धावा केल्या. मॅथ्यू वेडने डाव सावरत 21 चेंडूत 45 धावांची आक्रमक खेळी केली. भारताकडून अक्षर पटेलने 3 तर उमेश यादवने 2 बळी घेतले.