Asia Cup 2023 Live Streaming details:

आशिया चषक 2023 स्पर्धेला बुधवारपासून सुरुवात होणार आहे. वनडे स्वरुपात होणाऱ्या या स्पर्धेत एकूण 13 सामने खेळले जाणार आहेत. यातील 4 सामने पाकिस्तानमध्ये आणि 9 सामने श्रीलंकेत खेळवले जाणार आहेत.

या स्पर्धेचा पाकिस्तान मुख्य प्रायोजक आहे. पहिला सामना यजमान पाकिस्तान आणि नेपाळ संघात होणार आहे. हा सामना पाकिस्तामध्ये मुलतानला खेळवला जाणार आहे. तसेच अंतिम सामना कोलंबोला 17 सप्टेंबरला खेळवला जाईल.

या स्पर्धेतील सामने पाकिस्तानमधील मुलतान क्रिकेट स्टेडियम आणि लाहोर येथील गद्दाफी स्टेडियमवर खेळवला जाणार आहे. तसेच श्रीलंकेतील कँडी येथील पाल्लेकेले इंटरनॅशनल क्रिकेट स्टेडियम आणि कोलंबोमधील आर प्रेमदासा स्टेडियवर होणार आहेत.

स्पर्धेची गटवारी

आशिया चषकात 6 संघ सहभागी होणार आहेत. आशिया चषकात भारतासह पाकिस्तान, श्रीलंका, बांगलादेश, अफगाणिस्तान आणि नेपाळ हे सहा संघ सहभागी होणार आहेत. या सहा संघांची सुपर सिक्स फेरीसाठी दोन गटात विभागणी करण्यात आली आहे.

ए ग्रुपमध्ये भारत, पाकिस्तान आणि नेपाळ संघांचा समावेश आहे, तर बी ग्रुपमध्ये गटात श्रीलंका, बांगलादेश आणि अफगाणिस्तान या संघांचा समावेश आहे.

स्पर्धेचे स्वरुप

या स्पर्धेत आधी साखळी फेरी खेळवली जाणार आहे. यात प्रत्येक संघ आपापल्या गटातील संघांविरुद्ध प्रत्येकी एक सामना खेळले. साखळी फेरीनंतर प्रत्येक गटातील अव्वल दोन संघ सुपर फोर फेरीत प्रवेश करतील.

सुपर फोर फेरीत देखील चार संघ एकमेकांविरुद्ध साखळी पद्धतीने सामने खेळवले जातील, यातून गुणतालिकेतील अव्वल दोन संघ 17 सप्टेंबर दरम्यान अंतिम सामना खेळणार आहेत.

वेळ आणि लाईव्ह स्ट्रिमिंग

या स्पर्धेतील सर्व सामने भारतीय प्रमाणवेळेनुसार दुपारी 3 वाजता सुरु होणार आहेत. या स्पर्धेतील सामने चाहत्यांना टीव्हीवर स्टार स्पोर्ट्सच्या विविध चॅनेलवर विविध भाषांमध्ये पाहाता येणार आहेत.

याशिवाय डिज्नी + हॉटस्टार या ऍप आणि वेबसाईटवर मोफत सामन्यांचे लाईव्ह प्रक्षेपण पाहाता येणार आहेत.