तरुणांनी भरलेला श्रीलंका क्रिकेट संघ आशियाचा नवा चॅम्पियन बनला आहे. दुबई येथे रविवारी झालेल्या आशिया चषक 2022 च्या अंतिम सामन्यात श्रीलंकेने पाकिस्तानचा 23 धावांनी पराभव केला. सामन्याच्या सुरुवातीला श्रीलंकेची अवस्था 58 धावांत 5 विकेट्स गमावून खराब झाली होती, परंतु भानुका राजपक्षे (71) आणि वानिंदू हसरंगा (36) यांनी आपल्या संघाला सन्मानजनक धावसंख्येपर्यंत नेले आणि त्यानंतर लंकेच्या गोलंदाजांनी बाजी मारली.

प्रथम फलंदाजी करताना श्रीलंकेने निर्धारित 20 षटकांत 170 धावा केल्या. तर पाकिस्तानचा संघ 147 धावांवर ऑलआऊट झाला. आशिया चषकातून टीम इंडिया (Team India) बाहेर पडल्यानंतर या स्पर्धेतील पाकिस्तानला फेव्हरिट मानले जात होते.

मात्र आता पाकिस्तानच्या हातून ट्रॉफी हरवल्याने भारतीय चाहते सोशल मीडियावर (Social Media) खूप सेलिब्रेशन करत आहेत. पाकिस्तानच्या पराभवाची सोशल मीडियावर जोरदार खिल्ली उडवली जात आहे. पाकिस्तानी खेळाडू ट्रोलिंगही होत आहे.