इंडियन प्रीमियर लीगच्या दोन हंगामात अर्जुन तेंडुलकरला मुंबई इंडियन्सच्या 28 सामन्यांमध्ये एकदाही खेळण्याची संधी मिळाली नाही. अशा स्थितीत सचिन तेंडुलकरने आपल्या मुलाबद्दल काय म्हटले असेल? हा एक प्रश्नच आहे.

दरम्यान, मास्टर ब्लास्टरने अर्जुनला स्पष्टपणे सांगितले आहे की, 'हा रस्ता तुझ्यासाठी आव्हानात्मक असणार आहे. त्यासाठी तुला कठोर परिश्रम घ्यावे लागेल.' मुंबई इंडियन्सशी निगडीत असलेल्या सचिननेही आपण निवडीच्या बाबतीत हस्तक्षेप करत नसल्याचे स्पष्ट केले. डावखुरा वेगवान गोलंदाज आणि फलंदाज अर्जुन तेंडुलकरला (Arjun Tendulkar) पाच वेळा आयपीएल चॅम्पियन असणाऱ्या मुंबई इंडियन्सने (Mumbai Indians) सामील करुन घेतले, परंतु या लीगच्या दोन हंगामात त्याला एकाही सामन्यात खेळण्याची संधी मिळाली नाही.

तसेच, तेंडुलकरला या वर्षी अर्जुन खेळला असता तर आवडेल असते का असे विचारले असता, सॅटइनसाइट शोमध्ये तो म्हणाला, “हा वेगळा प्रश्न आहे. मी काय विचार करत आहे किंवा मला काय वाटत आहे, याने काही फरक पडत नाही. मुंबई इंडियन्सचा हंगाम संपला आहे.

मुंबई इंडियन्सच्या खराब कामगिरीमुळे आशा निर्माण झाल्या होत्या

आयपीएल 2022 (IPL 2022) चा हंगाम मुंबई इंडियन्ससाठी चांगला गेला नाही. गुणतालिकेत मुंबईत शेवटच्या स्थानावर आहे, जी त्यांची आयपीएल इतिहासातील सर्वात खराब कामगिरी आहे. मुंबई इंडियन्सला फक्त 4 सामने जिंकता आले. पहिल्या 8 सामन्यात मुंबईचा पराभव झाला होता. टिळक वर्मा, हृतिक शोकीन, डेवाल्ड ब्रेविस, रमणदीप सिंग यांच्यासह अनेक खेळाडूंना संघाने पदार्पणाची संधी दिली. संघाच्या खराब कामगिरीमुळे अर्जुनला संघात संधी मिळेल असे मानले जात होते, पण तसे झाले नाही.