Abhishek Sharma and ishan kishan Dainik Gomantak
क्रीडा

ICC Ranking मध्ये मोठी उलथापालथ! इशान किशनला मागे टाकत अभिषेक शर्मा टी-20चा नवा किंग; पटकावले अव्वल स्थान

Abhishek Sharma becomes No 1 T20 Batsman: आंतरराष्ट्रीय क्रिकेट परिषदेच्या ताज्या टी-20 क्रमवारीत मोठी उलथापालथ झाली असून जबरदस्त कामगिरी जोरावर अभिषेक शर्मा पुन्हा एकदा अव्वल स्थानी पोहोचला.

Manish Jadhav

Abhishek Sharma ICC t20 Rankings Number One Batsman: आंतरराष्ट्रीय क्रिकेट परिषदेच्या ताज्या टी-20 क्रमवारीत मोठी उलथापालथ झाली असून जबरदस्त कामगिरी जोरावर अभिषेक शर्मा पुन्हा एकदा अव्वल स्थानी पोहोचला. न्यूझीलंडविरुद्धच्या तिसऱ्या टी-20 सामन्यात अभिषेकने केलेल्या तुफानी शतकाच्या जोरावर त्याने इशान किशनकडून नंबर-1चा ताज हिसकावून घेतला. इशान किशन गेल्या काही काळापासून टी-20 क्रमवारीत शीर्षस्थानी विराजमान होता, परंतु आता अभिषेक शर्मा टी-20 इंटरनॅशनलचा नवा किंग बनला.

गेल्या काही वर्षांत अभिषेकने टी-20 फॉरमॅटमध्ये अनेक मोठे करिष्मे केले आहेत, ज्याचे फलित त्याला या रँकिंगमधून मिळाले. याशिवाय कसोटी क्रमवारीतही मोठी उलथापालथ झाली असून, दक्षिण आफ्रिकेच्या मार्को यानसेनने भारताचा स्टार अष्टपैलू खेळाडू रवींद्र जडेजाला मागे टाकत इतिहास रचला.

याआधीही अभिषेक टी-20 आंतरराष्ट्रीय क्रमवारीत नंबर-1 खेळाडू राहिला. तथापि, टी-20 विश्वचषकात त्याची कामगिरी अपेक्षेप्रमाणे झाली नव्हती, ज्यामुळे त्याला मोठा रँकिंग फटका बसला होता आणि पाकिस्तानचा साहिबजादा फरहान अव्वल स्थानी पोहोचला होता. मात्र, अभिषेकला पुन्हा आपले शीर्ष स्थान मिळवण्यासाठी फार प्रतीक्षा करावी लागली नाही. न्यूझीलंडविरुद्धच्या तिसऱ्या टी-20 सामन्यात अभिषेकने केवळ 38 चेंडूत 113 धावांची अभूतपूर्व आणि आक्रमक खेळी खेळली.

या तुफानी खेळीच्या जोरावर भारताने (India) 199 धावांचे लक्ष्य अवघ्या 13.2 ओव्हरमध्ये चार गडी गमावून लीलया पार केले. याच विक्रमी खेळीमुळे अभिषेक पुन्हा एकदा क्रमवारीत अव्वल स्थानी पोहोचला. दुखापतीमुळे न्यूझीलंडविरुद्धचे दोन सामने खेळू न शकलेला इशान किशन दोन अंकांनी घसरुन तिसऱ्या क्रमांकावर पोहोचला, तर पाकिस्तानचा साहिबजादा फरहान दुसऱ्या स्थानी कायम आहे.

दुसरीकडे, कसोटी क्रिकेटमध्ये दक्षिण आफ्रिकेच्या मार्को यानसेनने सर्व फॉरमॅटमध्ये अष्टपैलू खेळाडू म्हणून आपल्या खेळाने सर्वांना प्रभावित केले. विशेषतः कसोटी क्रिकेटमध्ये फलंदाजी आणि गोलंदाजी अशा दोन्ही आघाड्यांवर त्याने अप्रतिम कामगिरी केली. या दमदार कामगिरीचे इनाम म्हणून यानसेनने भारताच्या अनुभवी रवींद्र जडेजाला मागे टाकत कसोटी क्रिकेटचा नंबर-1 अष्टपैलू खेळाडू होण्याचा बहुमान मिळवला. याशिवाय, कसोटी फॉरमॅटमध्ये तो जगातील अव्वल क्रमांकाचा गोलंदाज म्हणूनही प्रस्थापित झाला. क्रिकेट विश्वातील या ताज्या बदलांमुळे खेळाडूंच्या कामगिरीची जोरदार चर्चा रंगली आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Mohammed Siraj Selection: मोहम्मद सिराजला प्लेइंग-11 मधून वगळण्यावरुन राजकीय वादंग! काँग्रेस नेत्याने तोडले तारे; म्हणाले, 'नावामुळे भेदभाव...' VIDEO

Under 16 Cricket: गोव्याचा पहिला डाव 97 धावांत आटोपला; कर्नाटकने पहिल्याच दिवशी 127 धावांची आघाडी घेत वर्चस्व गाजवले

T20 Cricket: दिल्लीचे आव्हान गोव्यासाठी अवघड, 23 वर्षांखालील महिला टी-20 करंडक क्रिकेट स्पर्धेत पराभव

Tiger Conservation: गोव्यातील वाघ गणनेचा अहवाल कुठे अडकला? निष्कर्ष जाहीर करण्याची राजेंद्र केरकर यांची मागणी

Kakoda Sewage Treatment Plant: जुवारीच्या पूरक्षेत्रात सांडपाणी प्रकल्प; खारफुटी नष्ट होत असल्याचा आरोप, न्यायालयाची नोटीस

SCROLL FOR NEXT