Aaron Finch: ऑस्‍ट्रेलिया ऑक्‍टोबर-नोव्‍हेंबरमध्‍ये होणाऱ्या टी-20 विश्‍वचषकाचे यजमानपद भूषवणार आहे. यजमान संघाचा मर्यादित षटकांचा कर्णधार अॅरॉन फिंचने म्हटले की, 'ऑस्ट्रेलियन संघातील अनेक वरिष्ठ खेळाडूंसाठी ही शेवटची स्पर्धा असू शकते आणि त्यापैकी मी एक आहे.' (Aaron Finch Hints At T20 Retirement Post 2022 World Cup In October November)

दरम्यान, ऑस्ट्रेलियाला (Australia) T20 विश्वचषकाचा किताब आपल्याकडेच ठेवायचा आहे, जो संघाने संयुक्त अरब अमिरातीमध्ये (United Arab Emirates) न्यूझीलंडचा (New Zealand) पराभव करुन जिंकला होता. यावेळी फिंच आपल्या घरच्या मैदानावर खेळणार असून पुन्हा एकदा विश्वषचकाचा किताब संघाकडेच ठेवण्यासाठी प्रयत्न करणार आहे.

दुसरीकडे, फिंच ने Cricket.Com.Au शी बोलताना सांगितले की, “जर सर्व काही ठीक झाले तर काही खेळाडूंसाठी हा पूर्णविराम असू शकतो. (त्याच्यासह अनेक खेळाडू T20 आंतरराष्ट्रीय सामन्यांमधून निवृत्त होत आहेत). मला वाटते की, जेव्हा लोक वयाच्या मध्यापर्यंत पोहोचतात, तेव्हा असेच घडते. डेव्ही (वॉर्नर) काहीतरी करत राहतो, तो आणखी 10 वर्षे खेळू शकतो.''