Year Ender 2023: हिंदू धर्मात चार धाम यात्रेला खूप महत्व आहे. प्रत्येकाला आयुष्यात एकदा तरी चार धामला भेट द्यायची असते. दरवर्षी मोठ्या संख्येने चारधाम यात्रेत सहभागी होतात. चारधाममध्ये केदारनाथ, बद्रीनाथ, यमनोत्री आणि गंगोत्री यांचा समावेश आहे. या चार धाम सोबतच, इतर प्रसिद्ध हिंदू तीर्थक्षेत्रांवर देखील 2023 मध्ये भाविकांचा अलोट गर्दी पाहायला मिळाली आहे. चला तर मग जाणून घेऊया 2023 मध्ये किती भाविक कोणत्या धामला भेट देण्यासाठी आले होते.

• बद्रीनाथ धाम

भगवान विष्णूच्या भक्तांसाठी बद्रीनाथ मंदिराला भेट देणे हे एक मोठे स्वप्न पूर्ण करण्यासारखे आहे. यावर्षी बद्रीनाथ यात्रा 27 एप्रिलपासून सुरू झाली आणि 15 नोव्हेंबर 2023 रोजी संपली. यंदा बद्रीनाथमध्ये 18 लाख 34 हजारांहून अधिक भाविकांनी येथे दर्शन घेतले.

• गंगोत्री यात्रा 2023

या वर्षी 9 लाख 5 हजारांहून अधिक भाविकांनी गंगोत्री यात्रा पूर्ण केली होती. 2023 मध्ये गंगोत्री यात्रा 22 एप्रिलपासून सुरू झाली होती, तर ती 14 नोव्हेंबरला संपली होती. दरवर्षी गंगोत्री यात्रा सुरू झाली की लाखो भाविक गंगा मातेच्या दर्शनासाठी येतात.

• यमुनोत्री

या वर्षी 7 लाख 35 हजारांहून अधिक भाविक यमुनोत्रीला दर्शनासाठी पोहोचले होते. यमुनोत्री यात्रा 22 एप्रिल 2023 रोजी सुरू झाली आणि 15 नोव्हेंबर रोजी संपली. यमुनोत्री हे यमुनेचे निवासस्थान आहे असे म्हटले जाते. येथे यमुना देवीचे मंदिर देखील आहे.

• अमरनाथ यात्रा

चार धाम व्यतिरिक्त इतर तीर्थक्षेत्रांबद्दल बोलायचे झाले तर 2023 मध्ये सुमारे 4 लाख 40 हजार भाविकांनी अमरनाथला भेट दिली. यावर्षी अमरनाथ यात्रा 1 जुलै 2023 पासून सुरू झाली आणि 31 ऑगस्ट 2023 रोजी संपली. अमरनाथची यात्रा अत्यंत अवघड मानली जाते. परंतु असे असतानाही भाविक दरवर्षी दर्शनासाठी पूर्ण भक्तिभावाने आणि उत्साहाने येतात.

• हेमकुंड साहिब

हेमकुंड साहिब हे शिखांच्या पवित्र तीर्थक्षेत्रांपैकी एक मानले जाते. यंदा हेमकुंड साहिबची यात्रा 20 मे ते 11 ऑक्टोबर 2023 पर्यंत चालली. हेमकुंड साहिब यात्रेसाठी दरवर्षी मोठ्या संख्येने भाविक येतात. 2023 मध्ये सुमारे 2 लाख लोक हेमकुंड साहिबला पोहोचले होते.