Year End 2023: यंदा 2023 हे वर्ष टेक्नोलॉजीसाठी खुप खास राहिले आहे. स्मार्टफोन लाँच झाल्यापासून आर्टिफिशियल इंटेलिजन्सच्या वापराकडे लोकांचे लक्ष वेधले गेले. 2023 मध्ये फसवणूक आणि घोटाळ्यांची प्रकरणेही समोर आली आहेत.

अलीकडे, डीपफेक व्हिडिओंबाबत एआयच्या वापराबद्दल बरीच चर्चा झाली. आता वर्ष संपत येत असताना, इयर एंडरची बरीच चर्चा होत आहे. यावर्षी फसवणूकीची प्रकरणेही समोर आली.

टेक्नॉलॉजीच्या वाढीमुळे आपले जीवन जितकं सोपं झालं आहे तितकंच त्याचे धोकेही वाढले आहेत. नवीन टेक्नॉलॉजीमुळे फसवणूकच्या नवीन पद्धतींनाही जन्म दिला आहे. यावर्षी हॅकर्सनी लोकांना फसवणुकीसाठी नवीन मार्गांनी लक्ष्य केले. या वर्षी घडलेल्या अशाच 5 घोटाळ्यांबद्दल जाणून घेऊया.

YouTube Video Like

युट्युब व्हिडीओच्या माध्यमातून पैसे कमावण्याचाही घोटाळा उघडकीस आला आहे. यामध्ये घोटाळेबाज लोकांना यूट्यूब व्हिडिओ पाहून आणि लाईक करून पैसे मिळवून देण्याचे आमिष दाखवून फसवणुकीचे बळी बनवले आहे.

AI Fake Call

AIच्या वाढत्या वापरामुळे घोटाळेबाजांनी या वर्षी फसवणूक करण्याचा एक नवीन मार्ग शोधला आहे. या प्रकारच्या घोटाळ्यात स्कॅमर एआयद्वारे तुमच्या कोणत्याही नातेवाईकांच्या आवाजात कॉल आणि व्हिडिओ कॉल करतात. यामध्ये महत्त्वाच्या कामाचे कारण देत लोकांकडून पैसे ट्रान्सफर करायला लावतात.

QR Code

या वर्षी क्यूआर कोड देखील चर्चेत राहीला आहे. जेव्हा स्कॅमर फसवणूक करणारा QR कोड स्कॅन करतात तेव्हा यूजर्स फिशिंग पेज आणि मालवेअर साइट्सपर्यंत पोहोचतात. याद्वारे ते त्यांना फसवणुकीचे बळी बनवतात. याद्वारे स्कॅमर यूजर्सचे वैयक्तिक तपशील देखील चोरतात.

Fake Job

रोजगाराचा झपाट्याने वाढता अभाव पाहता आता घोटाळेबाज लोकांना नोकरीचे आमिष दाखवून फसवणूक करत आहेत. 2023 मध्ये खोट्या नोकऱ्या घोटाळ्याची अनेक प्रकरणे समोर आली. यामध्ये घोटाळेबाज बनावट नोकर्‍या तयार करतात आणि लोकांना नोकरी मिळवून देण्याचे आमिष दाखवतात आणि अनेक लोक नोकरी मिळवण्यासाठी त्यांचे वैयक्तिक माहिती देखील शेअर करतात. घोटाळेबाजांनी याद्वारे अनेकांना आपले बळी बनवले.

Whatsapp Call

2023 मध्ये व्हॉट्सअॅप कॉल जास्त चर्चेत राहिले आहे. सामान्य कॉल्स व्यतिरिक्त स्कॅमर्सना व्हॉट्सअॅप कॉलद्वारे लोकांची फसवणूक करण्याचा नवीन मार्ग सापडला आहे. अनेक यूजर्सनी तक्रार केली की त्यांना एका आंतरराष्ट्रीय क्रमांकावरून व्हॉट्सअॅप कॉल आला, ज्यामध्ये त्यांना वैयक्तिक माहिती विचारण्यात आली. व्हॉट्सअॅप कॉलमध्ये लोकांना नोकरीच्या बहाण्याने माहिती विचारला जात होती.