World Oral Health Day 2023: आपण ज्या प्रकारे त्वाचा, केसांची काळजी घेतो तसेच तोंडाची देखील काळजी घेणे गरजेचे आहे. आजसुद्धा असे अनेक लोक आहेत जे योग्य प्रकारे तोंड स्वच्छ करत नाहीत.

तोंडातून येणार्‍या दुर्गंधीबद्दल लोकांना माहितीही नसते. मौखिक आरोग्याबाबत लोकांना जागरूक करण्यासाठीच या दिवसाची सुरुवात करण्यात आली. जाणून घेउया तोंडाची काळजी कशी घेतली पाहिजे.

जागतिक मौखिक आरोग्यदिनाची सुरुवात 20 मार्च 2013 रोजी एफडीआय वर्ल्ड डेंटल फेडरेशनने केली. तेव्हापासून हा दिवस (World Oral Health Day 2023) दरवर्षी साजरा केला जातो.

यानंतर पुढील वर्षापासून, आंतरराष्ट्रीय दंत विद्यार्थ्यांच्या संघटनेच्या सहकार्याने वार्षिक जागतिक एफडीआय स्पर्धा देखील आयोजित केली जात आहे. 

तोंडाची काळजी न घेतल्यास आरोग्य अनेक आजार उद्भउ शकतात. तोंडात असलेल्या अॅसिडमुळे दात किडणे, जंत यांसारख्या समस्या उद्भवतात.

त्यामुळे दातांची इनॅमल पोकळ होऊ लागते आणि त्यामुळेच पोकळी तयार होतात. याशिवाय तोंडात असलेले बॅक्टेरिया दात खराब करू लागतात. वेळीच काळजी न घेतल्यास तोंडाचा कर्करोगही होऊ शकतो.

• तोंडाची काळजी कशी घ्यावी

तोंड स्वच्छ राहण्यासाठी दिवसातून दोनदा ब्रश करावे.

सकाळी एकदा आणि झोपण्यापूर्वी एकदा ब्रश करणे गरजेचे आहे. यामुळे दात निरोगी राहतात.

घशात कोणत्याही प्रकारचा त्रास होत असल्यास किंवा तोंडात काही समस्या असल्यास कोमट पाण्यात मीठ टाकून गार्गलिंग करु शकता.

साधारणपणे पोट खराब असलेल्या लोकांची जीभ घाण राहते. जीभ टंग क्लीनरने स्वच्छ करता येते. ज्या लोकांना हा त्रास असतो त्यांनी टंग क्लीनरचा वापर करावा.

फ्लोराईड असलेली टूथपेस्ट वापरावी. त्यामुळे दात किडण्याची समस्या कमी होते.

वर्षातून दोनदा दंतवैद्याकडे जावे. त्यामुळे कोणताही आजार होण्याची शक्यता टाळता येते.