Winter Recipe: हिवाळ्यात सर्दी-खोकला यासारखे आजारांना सामोरे जावे लागते. यामुळे या दिवसांमध्ये आरोग्याची काळजी घेणे गरजेचे असते. हिवाळ्यात सूप, ड्रायफ्रुट्स आणि हिरव्या भाज्यांचे सेवन करावे. तसेच, जर तुम्हाला गोड पदार्थ आवडत असेल तर तुम्ही हिवाळ्यात अनेक गोड पदार्थांचे सेवन करू शकता. जे चवदार आणि आरोग्यदायी देखील असतात. हे गाड पदार्थ कोणते आहेत जाणून घेऊया.

गाजर लाडू

प्रत्येकाने हिवाळ्यात गाजराचा हलवा बनवून खाल्ला पाहिजे. त्यामुळे गाजरचा हलवाच नाही तर तुम्ही गाजराचे छोटे लाडू बनवू शकता.यामुळे शरीर उहदार राहण्यास मदत मिळते.

सुंठ आणि मेथीचे लाडू

सुंठ आणि मेथीचे लाडू हे पारंपारिक गोड असले तरी ते औषध म्हणूनही सेवन केले जाऊ शकते. हे लाडू हिवाळ्यात गरोदर महिलांसाठी खूप फायदेशीर असतात.

गाजर हलवा

हिवाळ्यात गाजर हलवा खाण्याची मज्जा वेगळी असते. यामध्ये ए, बी आणि के ही तिन्ही जीवनसत्त्वे असतात. गाजरमध्ये भरपूर प्रमाणात फायबर असते. त्यामुळे पचनक्रिया चांगली होते. गाजर खाल्ल्याने दृष्टीही सुधारते. कॉलेस्टेरॉलची पातळी कमी करण्यासोबतच ते हृदयासाठी चांगले आहे. गाजरमध्ये बीटा-कॅरोटीन, पोटॅशियम आणि अँटीऑक्सिडंट्स भरपूर प्रमाणात असतात. गाजर खाल्ल्याने कॅन्सरचा धोकाही दूर राहतो.

शेंगदाणा चिक्की

गूळ आणि शेंगदाण्याची चिक्की खायला अनेक लोकांना आवडते. हिवाळ्यात गूळ खाल्ल्याने शरीर उबदार तर राहतेच शिवाय पचनसंस्था देखील सुरळित कार्य करते.

तिळ लाडू

मकर संक्रांती दरम्यान तिळाचे लाडू भरपूर प्रमाणात बनवले जातात आणि खाल्ले जातात. थंडीच्या दिवसात देखील तीळ खाणे आरोग्यासाठी फायदेशीर असते.