अनेक महिला चेहऱ्यावर(face) महागडे फेशियल (Facials) करतात.तरीसुद्धा त्यांचे चेहरा निस्तेज (Dingy) दिसू लागतो. त्यामुळे आपल्या चेहऱ्याचा नैसर्गिक रंग हरवून बसतो. तसेच मुरूमांची (Pimples) समस्या देखील वाढू लागते. यामुळे अनेक महिला विविध क्रीम किंवा लोशन वापरतात, परंतु चेहऱ्यावरच्या समस्या या वाढत जातात. असे न करता तुम्ही काही घरगुती उपायांचा वापर करू शकता. चला तर मग जाणून घेवूया घरगुती फेशियल कसे तयार करायचे.

* क्लींजर करण्यासाठी उपयोग

क्लींजर करण्यापूर्वी प्रथम चेहरा कोणत्याही फेसवॉशने धुवावा. यानंतर एक वाटी तांदळचे पीठ तयार करून घ्यावे. यात पाच चमचे दूध मिक्स करून पेस्ट तयार करून घ्यावी. हलक्या हाताने चेहऱ्यावर मसाज करावी. 2 मिनिटांनंतर चेहरा स्वच्छ पाण्याने धुवावा.

* स्क्रब करण्यासाठी उपयोग

तांदळाचा वापर आपण स्क्रब करण्यासतही करू शकतो. यामुळे आपल्या चेहऱ्यावरील डेड स्कीन कमी होण्यास मदत करते. यासाठी एक चमचा कोरफड जेल आणि दूध अर्धा चमचा घालून तांदळाच्या पिठात मिक्स करून पेस्ट तयार करावी. हलक्या हाताने चेहऱ्यावर 2 ते 4 मसाज करावी. नंतर पाण्याने चेहरा स्वच्छ धुवावा.

* स्टीम करण्यासाठी उपयोगी

चेहऱ्यावर स्क्रब केल्यानंतर चेहऱ्यावर आणि मानेवर कोरफड जेल लावावे. यानंतर दोन मिनिटे चेहऱ्यावर वाफ घ्यावी. जर तुमच्याकडे स्टीमर नसेल तर तुम्ही एक भांड्यात पाणी उकळा आणि चेहरा टॉवेलने झाकून 30 सेकंद वाफ घ्यावी. यानंतर चेहरा स्वच्छ पुसून घ्यावा.

* फेस मास्क बनवण्यासाठी उपयोग

दोन चमचे तांदळाचे पीठ, एक चिमूटभर मीठ, अर्धा चमचा कोरफड जेल, अर्धा चमचा कॉफी पावडर मिक्स करून पेस्ट तयार करावी. ही पॅक चेहऱ्यावर 10 ते 15 मिनिटे ठेवावे. ही पॅक वाळल्यानंतर चेहरा स्वच्छ धुवावा. यानंतर चेहऱ्यावर कोरफड जेल लावावे. चेहऱ्यावरील ग्लो वाढवण्यासाठी हे फेशियल आठवड्यातून 2 ते 3 वेळा करावे.