Tricolor Vegetable: आजच्या धावपळीच्या काळात लोकांचे आरोग्याकडे दुर्लक्ष होत आहे. निरोगी आणि दिर्घ आयुष्यासाठी पोषक आहार घेणे गरजेचे असते. जर तुम्हाला निरोगी आणि आजारांपासून दूर राहायचे असेल तर तिरंग्याच्या रंगाच्या भाज्यांचे सेवन करू शकता. यामुळे तुम्ही हेल्दी आणि फिट राहू शकता.

या भाज्या लहानांपासून ते मोठ्यांपर्यंत खाणे लाभदायी ठरतात. या रंगीबेरंगी भाज्यांचे अनेक फायदे आहेत. या भाज्यापासून तुम्ही अनेक स्वादिष्ट पदार्थ बनवू शकतात.

• केशरी रंगाच्या भाज्या

केशरी रंगाच्या भाज्यांचा आहारात समावेश करणे आरोग्यासाठी फायदेशीर असते. या भाज्यांमध्ये व्हिटॅमिन ए आणि अनेक पोषक घटक असतात. निरोगी राहण्यासाठी व्हिटॅमिन ए ची गरज असते. यामुळे रोगप्रतिकारश्ती वाढण्यास मदत मिळते.डोळ्यांचे आरोग्य,हृदयविकार, कर्करोग यासारख्या आजारांचा धोका कमी होतो. गाजर, भोपळा, संत्री यासारख्या पदार्थांचा आहारात समावेश करावा.

• पांढऱ्या रंगाच्या भाज्या

पांढऱ्या रंगाच्या भाज्या आणि फळ दोन्हींचे सेवन आरोग्यासाठी फायदेशीर असते. या रंगाच्या भाज्या आणि फळ खाल्याने शरीरावर येणारी सुज आणि जळजळ कमी होण्यास मदत मिळते. तसेच कॉलेस्ट्रॉल देखील नियंत्रणात राहते. यासाठी तुम्ही केळी, बटाटा, लसूण, मशरूम यासारख्या पदार्थांचा समावेश करू शकता.

• हिरव्या रंगाच्या भाज्या

हिरव्या पालेभाज्या खाणे आरोग्यासाठी फायदेशीर असते. या हिरव्या भाज्यांमध्ये व्हिटॅमिन ए, सी आणि कॅल्शियम मुबलक प्रमाणात असते. यामुळे पचनसंस्था सुरळित कार्य करते. तसेच हिरव्या भाज्यांमुळे रोगप्रतिकारशक्ती वाढण्यास मदत मिळते. यासाठी आहारात पालक, ब्रोकोली, मेथी यासारख्या भाज्यांचा समावेश करू शकता.

• कोणते पदार्थ बनवू शकता?

तुम्ही तिरंगा भाजी वापरून इडली, सँडविच,डोसा, कोशिंबिर,उतप्पा यासारखे पदार्थ बनवून स्वातंत्र्यदिनाचा आनंद घेऊ शकता. हे पदार्थ झटपट तयार होणारे असून आरोग्यदायी देखील आहेत.