Thyroid Issues During Pregnancy Causes and Effects

गर्भधारणेदरम्यान महिलांना अनेक प्रकारच्या आरोग्य समस्यांना तोंड द्यावे लागते. गर्भधारणेदरम्यान मधुमेहापासून ते लठ्ठपणापर्यंतच्या समस्या उद्भवतात. गर्भधारणेदरम्यान अनेक महिलांमध्ये थायरॉईडची समस्या देखील दिसून येते. गर्भधारणेदरम्यान ही समस्या का उद्भवते आणि बाळाच्या जन्मानंतरही ती कायम राहते का? गर्भधारणेदरम्यान महिलांमध्ये थायरॉईडची पातळी वाढणे याला 'थायरॉईड डिसफंक्शन' म्हणतात. गरोदरपणात हार्मोनल बदलांमुळे ही समस्या उद्भवते.

स्टिमुलेटिंग हार्मोनची पातळी वाढू शकते

गर्भधारणेदरम्यान थायरॉईड स्टिमुलेटिंग हार्मोन (TSH) ची पातळी वाढू शकते. काही महिलांना गरोदरपणात आयोडीनची कमतरता जाणवते. थायरॉईड हार्मोन्ससाठी आयोडीन आवश्यक आहे. योग्य प्रमाणात आयोडीन न मिळाल्याने थायरॉइड डिसफंक्शनची समस्या उद्धभवते. यामुळे महिलांमध्ये (Womens) वजन वाढू शकते. थायरॉईडच्या बिघाडामुळे काही महिलांना थकवा आणि अशक्तपणा जाणवू शकतो.

बाळाच्या जन्मानंतरही हा आजार कायम राहू शकतो का?

गर्भधारणेदरम्यान थायरॉईडच्या समस्येने ग्रस्त असलेल्या महिलांच्या मनात हा प्रश्न असतो की, बाळाच्या जन्मानंतरही ही समस्या कायम राहते का? या प्रश्नाच्या उत्तरात, दिल्लीतील सफदरजंग रुग्णालयातील स्त्रीरोग विभागाच्या डॉ. सलोनी चड्ढा यांनी सांगितले की, गर्भधारणेदरम्यान थायरॉईडची पातळी वाढते, परंतु ही पातळी नेहमीच वाढते असे काही नाही.

बाळाच्या जन्मानंतर महिलेच्या हार्मोनची पातळी सुधारते

बाळाच्या जन्मानंतर महिलेची हार्मोनची पातळी सुधारते आणि थायरॉईड देखील नियंत्रित राहते. पण यासाठी गर्भधारणेनंतर आहाराची काळजी घेणे महत्त्वाचे असते. यादरम्यान महिलांनी मानसिक ताण घेऊ नये. तसेच, प्रसूती सामान्य झाली तर डॉक्टरांच्या (Doctors) सल्ल्यानुसार काही काळानंतर व्यायाम सुरु करावा.

थायरॉइड डिसफंक्शन कंट्रोल करण्याचे पर्याय

गर्भधारणेदरम्यान नियमित तपासणी करुन थायरॉइड डिसफंक्शनबाबत कळते.

आयोडीनचे सेवन करणे अत्यंत आवश्यक आहे. यासाठी आयोडीनयुक्त मीठ खावे.

मानसिक ताण घेऊ नये

महिलांनी आहाराची काळजी घ्यावी.

आहारात प्रथिने आणि जीवनसत्त्वे समाविष्ट करावीत.