कोरोना (Corona) काळात स्वता: ला निरोगी ठेवण्यासाठी जीवनसत्वे आणि इतर पोषक घटकांनी समृद्ध असलेल्या पदार्थनचे सेवन करावे. रोगप्रतीकारशक्ती (Immunity) मजबूत करण्यासाठी व्हिटॅमिन सी, व्हिटॅमिन डी आणि झिंक सर्वात महत्वाचे आहेत. विविध संसर्गापासून बचाव करण्यासाठी विवध पोषक घटकांचे सेवन करणे आवश्यक असते. चला तर मग जाणून घेवूया कोणती आहेत ही पदार्थ.

* व्हिटॅमिन 'सी' ने समृद्ध असलेले पदार्थ

आवळ्यामध्ये व्हिटॅमिन सी मुबलक प्रमाणात असते. फळांमध्ये (Fruits) तुम्ही किवी, संत्री, पेरू, पपई, स्ट्रॉबेरी आणि अननस ही फळे खावू शकता तर भाज्यांमध्ये ब्रोकोली, लिंबू, बटाटा आणि टोमॅटोमधून तुम्हाला व्हिटॅमिन सी मिळू शकते.

* व्हिटॅमिन 'डी' ने समृद्ध असलेले पदार्थ

व्हिटॅमिनचा सर्वात चांगला स्त्रोत म्हणजे सूर्यप्रकाश होय. दररोज सकाळी सुमारे 15 मिनिटे सकाळी सूर्यप्रकाश घ्यावा. याशिवाय अंडी, मशरूम, दही, मासे आणि संत्री व्हिटॅमिन 'डी'ची कमतरता भरून काढतात.

* झिंकयुक्त पदार्थ

बहुतेक लोक झिंकची कमतरता पूर्ण करण्यासाठी औषधे घेतात. पण काजू, अंडी, शेंगदाणे, तीळ, टरबूज आणि सोयाबीनचे सेवन केल्यास शरीरातील झिंकची कमतरता भरून येते. झिंकमुळे शरीराची रोगप्रतिकारशक्ती (Immunity) मजबूत होते.