सण (Festival), समारंभ, उत्सव, महोत्सव, लग्न (Marriage) अगदी कोणत्याही सोहळ्यात स्त्रियांना मोहक करणारी बाब म्हणजे वेणी. गजरा किंवा अंबाड्याच्या रूपातही केसात वाहिले जातात. या वेणीचे अनेक प्रकार आहेत. अर्थात वेणी बनवणे हे मोठे कौशल्य (Skills) असते आणि निवडक महिलांना ते जमते. यासाठी दोरा तर देवीला वाहण्यासाठी केळीच्या सोपटाचा वापर केला जातो.

गोव्यात देवदेवता आणि त्यांच्या अलंकार यांचे एक मोठी परंपरा आहे. देवीला वेणी किंवा गजरे वाहण्याची खूप जुनी प्रथा गोव्यात आहे. हे गजरे जसे देवीला वाहतात तसे मुली, स्त्रिया आपल्या वेणीत घालतात. तो सौंदर्याचा सुंदर आविष्कारही आहे. प्रामुख्याने वेणी पांढऱ्या जाई, जुई, कुंदा, मोगऱ्याची असते. अबोली, कोरंटी, बकुळीच्या पण वेण्या विणल्या जातात.

याशिवाय शेवंती, निशिगंधाचे सुंदर अंबाडे बनवले जातात आणि लग्न सोहळ्यात यांना विशेष स्थान आहे. सुरंगीच्या दिवसात सुरंगीच्या वेणीचे तर मोठे आकर्षण असते. गोव्यातल्या सुवासिक जायांच्या वेण्या तर केसात माळण्यापेक्षा जवळ बाळगणे हाच मुळी कुपीतील आणि अंतरातील अत्तराचा भास वाटतात.