अनेकवेळा छोट्या- मोठ्या कारणांमुळे नात्यात कटुता येते. यामुळे दुरावा निर्माण होण्यास वेळ लागत नाही. अनेकवेळ लोक त्याच्या बिझी लाइफस्टाइलमुळे एकमेकांना वेळ देऊ शकत नाही. यामुळे नात्यात दुरावा निर्माण होऊ शकतो. खरं तर नातं टिकून ठेवण्यासाठी दोघांनाही प्रयत्न करणे गरजेचे असते. यामुळे नात्यातील दूरावा कमी करण्यासाठी काय करावे हे जाणून घेऊया.
एकमेकांना सरप्राइज द्या
नातं मजबूत ठेवण्यासाठी एकमेकांच्या भावनांचा आदर करणं गरजेचं आहे. पती-पत्नी एकमेकांना गिफ्ट देऊन त्यांचं नातं घट्ट करू शकतात. गिफ्ट किंवा सरप्राईज गिफ्ट दिल्याने नात्यातील दुरावा आणि कटुता कमी होण्यास मदत मिळते.
जोडीदाराला वेळ द्या
एकमेकांना क्वॉलिटी टाइम न दिल्याने फक्त जोडपेच नाही तर आजकाल प्रत्येकाच्या नात्यात दुरावा निर्माण होत आहे. लोक आयुष्यात इतके व्यस्त असतात की ते एकमेकांना योग्य वेळ देऊ शकत नाहीत. यामुळे नात्यात कटुता येऊ शकते. नात्यातील दुरावा दूर करण्यासाठी एकमेकांना वेळ देणे खूप गरजेचे आहे. यासाठी एकत्र बाहेर जावे किंवा घरात एकमेकांना कामात मदत देखील करू शकता.
संवाद साधावा
भांडण झाले की लोक अबोला धरतात. पण संवाद न साधणे हा कोणत्याही समस्येवरचा उपाय नाही. याउलट कोणतीही समस्या स्पष्ट बोलून सोडवावी. भांडणामुळे बोलणे थांबले असेल तर स्वत: पुढाकार घेऊन बोलावे.
अहंकार बाजूला ठेवा
नात्यात कोणत्याही प्रकारच्या अहंकाराला स्थान देऊ नका. अहंकारामुळे नाती कमकुवत होतात. अहंकारामुळे नातं तुटू शकते. यामुळे आधी अहंकार बाजूला ठेवणे गरजेचे आहे. अनेकदा चुका होतात तेव्हा लोक एकमेकांशी बोलणे टाळतात. जर नात्यात अंहकार नसेल तर सुखी आयुष्य जगण्यास मदत होइल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.