Morning Breakfast Recipe: सकाळच्या नाश्त्यात रोज काय बनवावे हा प्रश्न महिलांना जास्त पडतो. पोहे, उपमा खाऊन बोर झाले असाल तर तुम्ही ही चविष्ट रेसिपी ट्राय करु शकता. तुम्ही बटाटा, सांभर, दाल आणि दही वडा खाल्ला असेलच पण रवा वडाची चव चाखली आहे का? नाही तर मग ही रेसिपी नक्की ट्राय करुन पाहा.

ही रेसिपी बनवाला अगदी सोपी असुन चवदार आहे. यासोबतच मुलांना रवा वडा खूप आवडेल, त्यामुळे तुम्ही मुलांच्या टिफिनमध्येही देऊ शकता. चला तर मग जाणून घेऊया रवा वडा बनवण्याची सोपी रेसिपी

• रवा वडा बनवण्यासाठी लागणारे साहित्य

2 वाट्या रवा

1 वाटी दही

1 टीस्पून चिरलेली हिरवी मिरची

1 टीस्पून किसलेले आले

1/4 टीस्पून काळी मिरी पावडर,

चिमूटभर हिंग,

1 टेबलस्पून चिरलेली कोथिंबीर,

1 टेबलस्पून चिरलेली कढीपत्ता,

1/4 बेकिंग सोडा चतुर्थांश चमचा,

तळण्यासाठी तेल

आवश्यकतेनुसार पाणी

चवीनुसार मीठ

• रवा वडा बनवण्याची कृती

सर्वात पहिले रवा वडा बनवण्यासाठी एका मोठ्या भांड्यात रवा घ्यावा आणि त्यात दही मिक्स करावे.

तसेच त्यात थोडे पाणी टाका आणि नीट मिक्स करून घट्ट पीठ बनवा.

नंतर त्यात मीठ टाकून दहा मिनिटे सेट होण्यासाठी ठेवा.

नंतर या पिठात आले, हिरवी मिरची, काळी मिरी, कढीपत्ता आणि कोथिंबीर आणि बेकिंग सोडा टाकून चांगले मिक्स करावे.

नंतर हाताला थोडेसे पाणी लावून तळहातावर चमचाभर मिश्रण घेऊन गोळा तयार करावा.

आता हा गोळा दुसऱ्या हाताच्या तळव्याने दाबून त्याला वडाचा आकार द्या, त्यात बोटाच्या साहाय्याने छोटे छिद्र करावे.

दुसरीकडे कढईत तेल टाकून गरम करून त्यात वडा टाकून तळून घ्या.

तुमचा गरमागरम रवा वडा तयार आहे.

नारळाच्या चटणीबरोबर तुम्ही आस्वाद घेउ शकता.