Body Itching in Monsoon Season: पावसाळ्यात अनेक प्रकारच्या समस्या उद्भवतात. या दिवसांमध्ये आरोग्यासह त्वचेशी संबंधित समस्या निर्माण होतात. जसे की खाज सुटणे, पुरळ येणे यामुळे अनेकांना त्रास होतो.

शरीराच्या तापमानात बदल, हवेतील आर्द्रता वाढणे, जास्त घाम येणे, स्वच्छतेचा अभाव आणि कोणत्याही प्रकारच्या ऍलर्जी आणि रसायनांच्या संपर्कात आल्याने त्वचेच्या समस्या होऊ शकतात.

हे टाळण्यासाठी काही उपाय खूप प्रभावी ठरू शकतात. चला जाणून घेऊया हे उपाय कोणते आहे.

• योग्य कपडे घाला

त्वचेच्या समस्या असल्यास फक्त सुती कपडे घालावे. सिंथेटिक कपडे किंवा जरी, लेस असलेले कपडे घालणे टाळावे.

यामुळे त्वचेत घर्षण होते आणि घाम येऊन समस्या जास्त वाढू शकते. यामुळे नेहमी सैल आणि योग्य कपडे घालावेत.

•  तुमचे कपडे आणि सामान वेगळे ठेवा

त्वचेशी संबंधित समस्यांवर उपचार घेत असल्यास स्वत:चे कपडे आणि सामान नेहमी वेगळे ठेवावे. कपड्यांखालील टॉवेल-नॅपकिनसारख्या गोष्टी स्वच्छ धुवावे.

घरातील लहान मुले किंवा वडीलधारी व्यक्तींचा संपर्क येणार नाही याची काळजी घ्यावी. कारण त्यामुळे संसर्ग किंवा ऍलर्जी वाढू शकते.

• खाजवू नका

त्वचेशी संबंधित समस्या असल्यास त्वचेला खाजवू नका. अन्यथा अॅलर्जी किंवा इन्फेक्शन वाढू शकते.

कारण खाज सुटल्यामुळे नखांमध्ये आधीच असलेली घाण गंभीर समस्या निर्माण करू शकते.

•  खाजवर घरगुती उपाय

त्वचेवर पुरळ, लालसरपणा, खाज सुटणे ही सामान्य ऍलर्जी असल्यास खोबरेल तेल, कापूर आणि कडुलिंबाचे तेल आराम देऊ शकते.

एकदा हे लावल्यावर समस्या कमी होत नसल्यास, ताबडतोब डॉक्टरांचा सल्ला घ्या. डॉक्टरांनी दिलेली औषधे आणि लोशन वापरावे. 

• साबणचा वापर

त्वचेच्या समस्या बर्‍याचदा खाज सुटणे आणि जळजळ होण्यापासून सुरू होतात.

यामुळे सर्वात पहिले साबण, परफ्यूम आणि बॉडी वॉश यासारखे केमिकल प्रोडक्ट वापरणे बंद करावे. कारण केमिकलमुळे ऍलर्जी वाढू शकते.

• दागिने घालणे टाळावे

अनेक वेळा गळ्यातील चेन, नेकलेस किंवा हाताच्या बांगड्या ज्या धातूपासून बनवलेल्या असतात त्या घामाच्या संपर्कात आल्यावर त्वचेच्या समस्या उद्भवू शकतात. यामुळे आर्टिफियल दागिने घालणे टाळावे.