तुम्ही बऱ्याच वेळा पाहिले असेल चिकूसारखे ब्राऊन रंगाचे फळ बाजारात विकले जाते. ते डेंग्यूसारख्या (Dengue)अनेक आजारांवर (Disease) उपयुक्त आहे. हे फळ बाहेरून तपकिरी आणि आतून हिरवे असते या फळाला किवी (Kiwi) म्हणतात. हे फळ चवीनुसार आंबट-गोड असून पोषक तत्वांचे भांडार मानले जाते. किवीमध्ये व्हिटॅमिन सी मुबलक प्रमाणात आढळते. याशिवाय व्हिटॅमिन ई, व्हिटॅमिन के, पोटॅशियम, फोलेट, फायबर, सोडियम, कॉपर आणि अँटीऑक्सिडंट्स आढळतात. किवी आपल्या आरोग्य आणि त्वचेसाठी फायदेशीर आहे. याचे सेवन केल्याने केसांना (Hair)पोषण मिळते. तसेच केसांशी संबंधित अनेक समस्यांवर मात करण्यासाठी मदत करते. चला तर मग जाणून घेवूया किवीपासून हेयर पॅक (Hair pack ) कसे तयार करायचे.

* मऊ केसांसाठी

किवी हे फळ केसांच्या आरोग्यासाठी लाभदायी असते. यामधील पोषक घटकांमुळे केसांना नैसर्गिकरीत्या मऊ ठेवते. किवीमधील जीवनसत्वामुळे केसांच्या अनेक समस्या कमी होतात. यामुळे किवीचे हेयर पॅक लावल्याने केसांचे आरोग्य चांगले राहते.

* कसा करावा वापर

किवीचे हेयर पॅक तयार करण्यासाठी 2 पिकलेले किवी घ्यावे. नंतर त्याची बारीक पेस्ट तयार करून घ्यावी. हि पेस्ट केसांच्या मुळात लावावी. 25 ते 30 मिनीटानंतर केस स्वच्छ पाण्याने धुवावे.

* किवी हेयर मास्कचे फायदे

* केस गळणे थांबतात

लांब आणि घनदाट केसांसाठी तुम्ही किवीचे हेयर मास्क वापरू शकता. किवीमध्ये व्हिटॅमिन सी आणि ई मुबलक प्रमाणात असते. यामुळे केसांचे गळणे कमी होण्यास मदत मिळते.

* कसा करावा वापर

किवी हेयर पॅकचा वापर करतांना दोन पिकलेल्या किवीमध्ये एक चमचा ऑलिव्ह ऑइल आणि एक चमचा कांद्याचा रस मिक्स करावे. याचे मिश्रण चांगले एकजीवकरून घ्यावे. नंतर हे मिश्रण केसांच्या मुळात लावून हलक्या हाताने मसाज करावी. 15 मिनिटांनंतर केस स्वच्छ धुवावे. यामुळे केस मजबूत होण्यास मदत मिळते.

* केस तुटणे थांबतात

किवी हेयर पॅकचा वापर केल्याने केसं तुटणे थांबतात. यासाठी तुम्हाला किवी आणि नारळाचे तेल घ्यावे.

* किवी व नारळाच्या तेलाचे हेयर पॅक

हे हेयर पॅक तयार करतांना 1 चमचा किवीचा गर काढावा आणि 1 चमचा नारळाचे तेल चांगले मिक्स करावे. हे मिश्रण केसांच्या मुळात लावावे. 5 ते 10 मिनिटे हलक्या हाताने मसाज करावी. एक ते दोन तासानंतर केस शॅम्पू करून स्वच्छ धुवावे. यामुळे केस मऊ आणि जाड होण्यास मदत मिळते. हे हेयर पॅक आठवड्यातून एकदा नक्की लावावे.