Investment Tips: कमी उत्पन्न असलेले लोक बचत करण्यासाठी सतत धडपड असतात; कारण त्यांच्याकडे खर्चानंतर पुरेसे पैसे शिल्लक राहात नाहीत किंवा त्यांना बचत करण्याची सवय नसते. प्रत्येकजण कितीही कमावत असला तरीही शिस्त आणि आर्थिक नियोजनाने बचत करता येते. बचत करायची असेल तर ती कोणत्या योजनांमध्ये करावी याची माहिती नसते. तर आज आपण अशाच काही योजनांची किंवा कुठे गुंतवणूक करणे फायदेशीर ठरेल याची माहिती घेऊया.

• तुमचे पैसे कुठे गुंतवायचे

गुंतवणुकीसाठी बँका आणि पोस्ट ऑफिस हे उत्तम पर्याय आहेत. यामध्ये परतावा कमी असतो पण जोखीम नगण्य असते. याशिवाय तुम्ही सोने आणि रिअल इस्टेटमध्येही गुंतवणूक करू शकतात. रिअल इस्टेटला परतावा मिळण्यास बराच वेळ लागतो आणि सोन्याच्या शुद्धतेच्या समस्यांना तोंड द्यावे लागते.

• म्युच्युअल फंड आणि एसआयपी

तुमच्यासाठी म्युच्युअल फंड आणि एसआयपी हे गुंतवणुकीचे सोपे आणि उत्तम पर्याय असू शकतात. इक्विटी फंडांमध्ये जोखीम आणि परताव्याची क्षमता जास्त असते. यानंतर हायब्रीड फंड आणि डेट फंड येतात. इक्विटी फंड दीर्घ मुदतीसाठी असतात तर डेट फंड अल्प मुदतीसाठी असतात. तुम्ही म्युच्युअल फंडात गुंतवणूक करून चांगला नफा मिळवू शकतात. सिस्टिमॅटिक इन्व्हेस्टमेंट प्लॅन (SIP) फक्त 500 रुपये प्रति महिना सुरू करता येतो.

• गुंतवणूक करण्याचे फायदे कोणते

गुंतवणूक करतांना अनावश्क खर्च कमी होतो.

गुंतवणूक योग्यवेळी केली तर भविष्यात आर्थिक समस्यांना सामोरे जावे लागणार नाही.

गुंतवणूक करताना योग्यवेळी केल्यास भविष्य सुरक्षित होऊ शकते.

योग्यवेळी केलेली गुंतवणूक मुलांच्या पुढील शिक्षणासाठी आणि व्यवसायासाठी उपयोगी येते.

तसेच गुंतवणूक केल्यामुळे आर्थिक बचत करण्याची सवय लागते.

(लक्षात ठेवा - शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या अर्थतज्ज्ञाचा सल्ला घ्यावा.)