तुमच्या स्वयंपाकघरातील (kitchen) साहित्य भेसळयुक्त असण्याची शक्यता पूर्णपणे नाकारता येत नाही. म्हणूनच घटकांचा वापर करण्यापूर्वी त्यांची चाचणी (Testing) करणे हा एकमेव मार्ग आहे. भारतीय खाद्य सुरक्षा मानक प्राधिकरणाने (FSSAI) अलीकडे भेसळ चाचणीसाठी साधे प्रयोग शेअर करत आहे. आपण वापरत असलेल्या मिरची पावडरमध्ये विटांची भुकटी किंवा वाळू किंवा तालक पावडर आहे की नाही, हे कसे तपासायचे हे सरकारी संस्थेने (Government agency) नुकतेच दाखवले.

नेमकं काय कराल?

1. एक ग्लास पाणी घ्या.

2. त्यात थोडी चमचा मिरची पावडर घाला.

3. मिश्रणाची तपासणी करा. आपल्या तळहातावर थोड्या प्रमाणात मिश्रण घ्या आणि ते चांगले चोळा.

4. जर तुम्हाला घासल्यानंतर काही खरखर जाणवत असेल, तर मिरची पावडर विटांच्या भुकटीने भेसळ केलेली असते. जर मिश्रणाला फेस येत असेल किंवा गुळगुळीत वाटत असतील तर ते साबण दगडाने भेसळयुक्त आहे.

यापूर्वी, FSSAI ने तेल आणि हिरव्या वाटाण्यातील भेसळ तपासण्यासाठी एक साधी चाचणी देखील शेअर केली होती. आपण वापरत असलेल्या हिरव्या भाज्यांमध्ये भेसळ आहे का हे तपासण्यासाठी एक सोपा प्रयोग सुचवला.