रोज सकाळी नाश्त्यात काय बनवावे हा महिलांना नेहमीच प्रश्न पडतो. पण सकाळी आरोग्यदायी नाश्ता करायचा विचार करत असाल तर तुम्ही स्टफ्ड ओट्स चीला ट्राय करु शकता. ओट्सचे पीठ आणि भाज्यांच्या स्टफिंगने बनवलेला हा चीला खायला खूप चविष्ट तर आहेच पण बनवायलाही अगदी सोपा आहे.चला तर मग जाणून घेउया याची रेसिपी.

स्टफ्ड ओट्स चीला बनवण्यासाठी साहित्य

• 1 कप ओट्स पावडर

• 2 टीस्पून बेसन

• 1 टीस्पून तेल

• 1/2 कप चिरलेल्या हिरव्या मिरच्या

• 1 कप पाणी

• 1/2 टीस्पून हळद

• 1/2 टीस्पून हिंग

• चिरलेली कोथिंबीर

• चवीनुसार मीठ

• 3 टीस्पून तेल

भाज्यांच्या स्टफिंगसाठी लागणारे साहित्य

• 1/2 कप हिरवे वाटाणे (उकडलेले)

• 1/2 कप बटाटे (उकडलेले आणि चिरलेले)

• 1/2 टीस्पून तेल

• 1 टीस्पून बारीक चिरलेला कांदा

• 1 टीस्पून बारीक चिरलेले टोमॅटो

• 1 टीस्पून हळद

• 1/2 टीस्पून गरम मसाला

• तिखट

• चिमूटभर हिंग

• चवीनुसार मीठ

• चिंचेची चटणी

• स्टफ्ड ओट्स चीला बनवण्याची पद्धत

स्टफड ओट्स चीला बनवण्यासाठी सर्वात पहिले स्टफिंग बनवून घ्यावे. त्यासाठी एका कढईत तेल गरम करून त्यात हळद, गरम मसाला, हिंग, कांदा, टोमॅटो घालून अर्धा मिनिट परतून घ्यावे. यानंतर मटार, बटाटे, चवीनुसार मीठ आणि तिखट घालून 2 मिनिटे शिजवा. यानंतर एका भांड्यात बेसन, हिरवी मिरची, हिंग, धने, हळद, ओट्स पावडर, तेल, पाणी आणि मीठ घालून चांगले मिक्स करावे. आता एका नॉन-स्टिक पॅनमध्ये तेल (Oil) गरम करून त्यात चीलाचे मिश्रण टाकून त्याला गोल आकार द्यावे. दुसऱ्या बाजूने पलटून दोन्ही बाजूंनी भाजण्यासाठी ठेवा. चीलामध्ये स्टफिंग टाका, घडी करून पॅनमधून बाहेर काढा. हे तयार स्टफ केलेले ओट्स चीला चिंचेच्या चटणीसोबत गरमागरम सर्व्ह करा.