अनेकांना वाढत्या वयाबरोबर अनेक समस्याना सामोरे जावे लागते. पण यामध्ये अनेकांना कमी झोपेची समस्या असते. अनेक समस्यावर लोक बोलतात पण या समस्येवर कोणी चर्चा करत नाही. ही समस्या चाळीशीनंतर उद्भवते. पण या समस्येवर कोणते उपाय आहेत हे जाणून घेऊया.

एक संशोधनात असे दिसून आले की 30 ते 60 वयोगटामधील महिला (Women) सात तासांपेक्षा कमी झोपतात. पुरुषांच्या तुलनेत स्त्रियांना झोपेच्या समस्या अधिक असतात. महिलांना झोप (Sleep) कमी येण्यामागे कारण म्हणजे मानसिक ताण आणि शारीरीक बदल हे आहे.

* या उपायांचा करा वापर

* कोमट आंघोळ करा

चांगली झोप येण्यासाठी कोमट पाण्याने आंघोळ करावी. कोमट पाण्याने आंघोळ केल्याने शरीराचे तापमान कमी होऊन थकवा जाणवतो. यामुळे तुम्हाला झोप लागण्यास मदत मिळते.

* स्वत:ला शांत ठेवा

झोपण्यापूर्वी टीव्ही किंवा मोबाइल (Mobile) पाहणे टाळावे. यामुळे तुम्हाला पुरेशी झोप येण्यास मदत मिळेल. तसेच चांगली झोप येण्याकरिता चांगली पुस्तके वाचू शकता आणि गाणी ऐकू शकता.

* योगा करावा

योग (Yoga) करणे आरोग्यासाठी (Health) फायदेशीर असते. योगा केल्याने तणाव आणि चिंता दूर राहते. साधा आणि सोपा योगा केल्याने झोप येण्यास मदत मिळते. तुम्हाला झोपेच्या गोळ्या घेण्याची गरज पडत नाही.

* चहा, कॉफी सेवन कमी करावे

वाढत्या वयाबरोबर आपल्या सवयीमध्ये सुद्धा बदल करणे आवश्यक आहे. या पेयाचे सेवन मर्यादित केल्याने तुम्हाला चांगली झोपही येऊ शकते. रात्री झोपण्यापूर्वी चहा, कॉफी घेणे टाळावे.