Tips For Happy Life: सुखी आणि दिर्घायुष्यासाठी लोक अनेक प्रयत्न करत असतात. जर तुमचे मन आनंदी असेल तर तुम्हाला जग सुंदर वाटते पण मन दु:खी असेल तर आयुष्य एक ओझ असल्यासारखे वाटू लागते.

अनेक लोकांचे असे मत आहे की सुखी आयुष्यासाठी पैसा, पॉवर,करिअर, उत्तम आरोग्य असणे गरजेचे आहे.

पण असे नसून हार्वर्डच्या संशोधकांच्या मते सुखी आयुष्यासाठी प्रेमळ नातेसंबंध असणे देखील महत्वाचे आहे.

• संशोधन काय सांगतं

हार्वर्डच्या संशोधकांनी १९३८ मध्ये असे संशोधन सुरू केले ज्यामध्ये त्यांना हे जाणून घ्यायचे होते की सुखी आयुष्यासाठी काय गरजेचे आहे.

यासाठी त्यांनी संपुर्ण जगातील ७२४ लोकांचे संशोधन करून त्यांच्या हेल्थ रेकॉर्डचा अभ्यास केला. त्यानंतर त्यांना मोठी माहिती मिळाली.

सुखी आणि दिर्घायुष्यासाठी केवळ पैसा, करिअर, यश, उत्तम आरोग्यच गरजेचे नसून प्रेमळ नातेसंबंध असणे देखील तेवढेच महत्वाचे आहे. असे ८५ वर्ष चाललेल्या संशोधनात समोर आले आहे.

• प्रेमळ नातेसंबंध सुखी आणि दिर्घायुष्यासाठी गरजेचे

यापुर्वी अनेक संशोधनात असे समोर आले की, ब्रेकअपनंतर लोकांचे मन दु:खी होते. त्यांचे कोणत्याच कामात मन लागत नाही. याचा वाईट परिणाम त्यांच्या शरिरावर देखील होतो.

उलट आपले नातेसंबंध चांगले असेल तर प्रत्येक काम यशस्वीरित्या पुर्ण करतो. हे नाते आयुष्यात सपोर्ट सिस्टीमसारखे काम करतात. यामुळे प्रेमळ नातेसंबंध जेवढे चांगले तेवढे आपले आयुष्य सुखी बनते.