काळानुरूप बदल आवश्यक आहे. तब्बल दोन वर्षानंतर बाप्पाचं भक्तांनी थाटात स्वागत केलं आहे. आणि गणपतीचा सण म्हटला की, कस्टमाइजड गिफ्ट दिले जातात. एवढचं काय तर, यंदा गणेश चतुर्थीनिमित्त कस्टमाइजड मोदकही तयार केले जात आहेत. गणपतीला मोदक नेहमीच आवडतात आणि या उत्सवात लोकांना खास तयार केलेले मोदक मिळतात. गणेश चतुर्थीच्या दिवशी बहुतेक लोक घराघरात गणपती बसवतात. घरोघरी सकाळ-संध्याकाळ पूर्ण रितीरिवाजाने गणपतीची पूजा केली जाते आणि गणपती विसर्जनही उत्साहात केले जाते.

आजकाल मोदकांचे एक-दोन प्रकार नसून माखणा मोदक, बायोटीन मोदक, बेसन मोदक, नारळाचे मोदक, पान वझे मोदक, चॉकलेट मोदक, केसर नारळाचे मोदक, गुलकंद मोदक इत्यादी तयार केले जात आहेत. एवढेच नाही तर तयार मोदकांना त्रिकोणी, टोकदार, गोल आकारही दिले जात आहेत. असे सर्व मोदक कस्टमाईज करून मागणीनुसार बनवले जात आहेत.

गणेश चतुर्थीसाठी खास 9 प्रकारचे सानुकूलित मोदक तयार केले जातात. लोकांनी घरोघरी गणपती बसवला असेल, तर सकाळ-संध्याकाळच्या पूजेसाठी प्रसाद स्वरूपात मोदकांना मागणी असते. दररोज विविध प्रकारचे मोदक तयार करण्याच्या ऑर्डर्स मिळत आहेत. लोकही मिक्स मोदकांची मागणी करत आहेत. मोदकांची किंमत 1000 रुपये प्रति किलोपासून सुरू होते, जी चवीनुसार बदलते, अशी प्रतिक्रिया व्यावसायिकांनी दिली आहे.