उत्कृष्ट इंडो चायनीज सारखे खास पदार्थ शेझवान राईस , नूडल्स, भाज्या आणि पनीरपासून तयार केले जातात. जर तुम्ही चायनीज फूड प्रेमी असाल तर तुम्हाला मंचुरियनची चव नक्कीच आवडेल. पण जर तुम्हाला स्वादिष्ट मंचुरियन घरी बनवता येत नसेल, तर ड्राय पनीर मंचुरियन बनवण्यासाठी या सोप्या टिप्सचा करा वापर. (Dry Paneer Manchurian Recipe News)

'ड्राय पनीर मंचूरियन' बनवण्यासाठी लागणारे साहित्य

• साहित्य- 250 ग्रॅम पनीर

• 3 चमचे कॉर्नफ्लोर

• 1-1 टेबलस्पून मैदा

• आले-लसूण पेस्ट

• 1-1 शिमला मिरची आणि कांदा

• 3 हिरव्या मिरच्या

• 1/4 चिरलेला हिरवा कांदा

• चमचे टोमॅटो सॉस,

• सोया सॉस

• ग्रीन चिली सॉस

• तेल

• चवीनुसार मीठ

• आवश्यकतेनुसार पाणी

ड्राय पनीर मंचुरियन कसे बनवावे

ड्राय पनीर मंचुरियन बनवण्यासाठी प्रथम एका भांड्यात कॉर्नफ्लोअर घ्या. मैदा, अर्धा चमचा आले-लसूण पेस्ट, मीठ आणि आवश्यकतेनुसार पाणी घालून घट्ट पीठ बनवा. यानंतर, पनीरचे तुकडे या मिश्रणात मॅरीनेट करा आणि 15-20 मिनिटे ठेवा. कढईत तेल गरम करा आणि मॅरीनेट केलेले पनीरचे तुकडे सोनेरी रंगाचे होईपर्यंत तळा. उरलेल्या तेलात आले-लसूण पेस्ट, सिमला मिरची, कांदा आणि हिरवी मिरची घालून परतून घ्या. उरलेले सर्व साहित्य आणि तळलेले पनीरचे तुकडे घालून २-३ मिनिटे शिजवा. हिरव्या कोथिंबीरने सजवून सर्व्ह करा.