do these yoga for good digestion watch photo

आजकालच्या खराब जीवनशैली, खाण्यापिण्याच्या चुकीच्या सवयी आणि योगाचा अभाव यामुळे लोकांना पचनाच्या समस्यांचा सामना करावा लागतो. जास्त तेलकट पदार्थ खाणे, जंक फूड, धूम्रपान या सवयींचा पचनसंस्थेवर वाईट परिणाम होतो.

त्यामुळे लोक अनेक गंभीर आजारांना बळी पडतात. तुम्हाला जर पचनसंस्था आणि पोटासंबंधित समस्या कमी करायच्या असेल तर पुढील योग प्रकार करू शकता.

वज्रासन

पोटा संबंधित असलेले आजार किंवा समस्या दूर करण्यासाठी वज्रासन खूप प्रभावी आहे. यासाठी पाय गुडघ्यापासून मागे वाकवून बसा आणि पाठीचा कणा सरळ ठेवा. यानंतर दोन्ही हात गुडघ्यावर ठेवा आणि काही मिनिटे याच स्थितीत राहा आणि दीर्घ श्वास घ्या.

विपरिता करणी

यासाठी भिंतीजवळ झोपा आणि नंतर त्याच भिंतीचा आधार घेऊन दोन्ही पाय वरच्या बाजूला घेऊन सरळ ठेवावे. लक्षात ठेवा की तुमचे पाय आणि पृष्ठभाग यांच्यामध्ये 90 अंशांचा कोन असावा. यासाठी किमान पाच ते पंधरा मिनिटे या पोझमध्ये रहावे. असे केल्याने शरीरातील घाण सहज निघून जाते आणि ऊर्जा वाढते.

पदहस्तासन

हा योगा करताना सरळ उभे राहावे आणि नंतर श्वास घेताना हात वरच्या दिशेने घ्या, यानंतर श्वास सोडताना किंचित मागे वाकावे. यानंतर, पुन्हा एकदा तुम्हाला पुढे वाकून दीर्घ श्वास घ्यावा लागेल, पुढे वाकून हाताच्या बोटांनी पायाच्या बोटांना स्पर्श करण्याचा प्रयत्न करा. पाय सरळ ठेवताना शक्य तितके वाकवा. जर तुम्हाला तुमच्या मणक्यामध्ये काही समस्या असेल किंवा गुडघ्याशी संबंधित कोणतीही समस्या असेल तर हे आसन करण्यापूर्वी आरोग्य तज्ञांचा सल्ला घ्या.

पश्चिमोत्तानासन

हा योग प्रकार करण्यासाठी पाय समोर पसरून बसावे आणि आता पुढे वाकून दोन्ही हातांनी पायाच्या बोटांना स्पर्श करावा. तसेच तुमचे डोके तुमच्या गुडघ्याच्या जवळ नेण्याचा प्रयत्न करावा. याशिवाय ही संपूर्ण प्रक्रिया किमान पाच वेळा करा.

वरील योग प्रकरा करण्यापुर्वी आरोग्य तज्ज्ञांचा सल्ला नक्की घ्यावा.