नारळ पाणी आरेग्याप्रमाणे त्वचेसाठीुध्दा लाभदायी आहे. महाग कॉस्मेटिक फेशियलशी केल्यापेक्षा तुम्ही नारळाच्या पाण्याने फेशियल केल्यास त्वचा चमकु शकते. तर मग आम्ही तुम्हाला नारळाच्या पाण्याचे फेशियल करण्याची स्टेप बाय स्टेप पद्धत सांगणार आहोत.

* क्लीनिंग

सर्वप्रथम, नारळाच्या पाण्याने फेशियल करण्यासाठी, नारळाच्या पाण्याने चेहरा पूर्णपणे स्वच्छ करा. चेहऱ्यावर नारळाचे पाणी साबणाप्रमाणे लावा, हलक्या हातांनी मसाज करा आणि नंतर ताज्या पाण्याने चेहरा धुवा. असे केल्याने तुम्हाला ताजेतवाने वाटेल.

* टोनिंग

चेहरा (Face) स्वच्छ केल्यानंतर टोनिंग करणे खूप महत्वाचे आहे. नारळाच्या पाण्यात टोनिंग गुण जोडण्यासाठी त्यात थोडेसे गुलाबजल टाका. तुम्ही हे मिश्रण तुमच्या चेहऱ्यावर स्प्रे करा. जर तुम्हाला हवे असेल तर तुम्ही कॉटन बॉल वापरूनही हे टोनर चेहऱ्यावर लावू शकता.

* स्क्रब

नारळाच्या पाण्यात कॉफी मिसळून छान स्क्रब बनवा. आता कॉफी आणि नारळाच्या पाण्याचे हे मिश्रण चेहऱ्यावर लावा आणि हलक्या हातांनी मसाज करा.

* मसाज

चेहऱ्याची चौथी आणि सर्वात महत्त्वाची पायरी म्हणजे मसाज. चेहऱ्याला मसाज करण्यासाठी नारळाच्या पाण्यात एलोवेरा जेल मिसळा आणि फेशियलसाठी या मिश्रणाने चांगले मसाज करा. कमीतकमी 15 मिनिटे चेहऱ्याला मसाज करा.

* फेस पॅक

या चार स्टेप्स फॉलो केल्यानंतर आता फेस पॅकची पाळी आहे. फेस पॅक बनवण्यासाठी बेसन, हळद आणि मध यामध्ये नारळाचे पाणी मिसळा. या सर्व गोष्टी एकत्र करून बारीक पेस्ट बनवा आणि चेहऱ्यावर लावा. फेसपॅक सुकल्यानंतर स्वच्छ धुवा. नारळाच्या पाण्याने फेशियलचे पाच टप्पे पूर्ण केल्यावर तुम्हाला तुमच्या चेहऱ्यावर एक वेगळीच चमक जाणवेल.