child care tips parenting tips how to play safe holi

यंदा होळी 25 मार्चला साजरी केली जाणार आहे. या दिवशी एकमेकांना रंग लावून शुभेच्छा दिल्या जातात. लहान मुलं देखील रंग खेळण्याचा आनंद घेतात.पण हा आनंद द्विगुणित करायचा असेल तर काही गोष्टींची काळजी घेतली पाहिजे. यामुळे मुलांचे आरोग्य देखील धोक्यात येणार नाही.

• नैसर्गिक रंग

केमिकलयुक्त रंगांमुळे मुलांच्या त्वचेवर अॅलर्जी किंवा जळजळ होऊ शकते. कारण मुलांचे त्वचा नाजूक असते. यामुळे हळद, चंदन, गुलाबी तांदळाची पावडर इत्यादी नैसर्गिक रंग वापरा.

• भरपुर पाणी प्यावे

रंग खेळताना मुलांनी पुरेसे पाणी प्यावे आणि हलका आणि पौष्टिक आहार घ्यावा. यामुळे त्याना डिहायड्रेशन होणार नाही.

• योग्य कपडे

मुलांना रंग खेळण्यासाठी बाहेर पाठवतांना पूर्ण बाही आणि लांब पँट घालावे. मुलांना फुल स्लीव्ह शर्ट आणि लांब पँट घाला जेणेकरून त्यांची त्वचा रंगाच्या जास्त संपर्कात येणार नाही.

• वॉटरप्रूफ सनस्क्रीन आणि तेल

मुलांच्या त्वचेवर सनस्क्रीन आणि खोबरेल तेल लावावे. यामुळे रंगांचा त्वचेवर विपरित परिणाम होणार नाही. तसेच रंग काढणे सोपे जाते.

• गॉगल्सचा वापर

लहान मुलांना रंग खेळायला जाताना गॉगल लावून द्यावा. यामुळे रंग त्याच्या डोळ्यात जाणार नाही. तसेच रंग खेळताना कोणतीही इजा होणार नाही.