उन्हाळा सुरू होताच शरबत, थंड पेय, आईसक्रीम यांची सुरुवात होते.शरीरातील उष्णता कमी होण्यासाठी तुम्ही पुढील पारंपरिक पेयाचा समावेश उन्हाळ्यात करू शकता. चला तर मग जणू घेऊया हे पारंपरिक पेय कोणते आहेत.

* सब्जा बियांचे पेय

भारतात अनेक वर्षापासून उन्हाळ्यात थंडपेय म्हणून सब्जा बियांचे सेवन केले जाते. हे पेय तयार करण्यासाठी तुम्ही दूध, पाणी, नारळ यासारखी पदार्थांचा वापर करू शकता. यामुळे शरीरातील उष्णता कमी होण्यास मदत मिळते.

* सोल कढी

सोल कढीचे सेवन उन्हाळ्यात आरोग्यदायी मानले जाते. या शीतपेयाचे सेवन केल्याने पचन संस्था सुरळीत कार्य करते. हे लाल रंगाचे पेय नारळाचे दूध, कोकम शरबत , मिरची, जिरे, मोहरी या पदार्थापासून बनवले जाते. उन्हाळ्यामध्ये (Summer) या शीत पेयाचे सेवन केल्यास अनेक समस्या दूर राहतात.

* गोंधोराज घोळ: (ताक)

अनेकांनी उन्हाळ्यात ताक या शीत पेयाचे सेवन केले असेल. पण पश्चिम बंगालमध्ये याला गोंधोराज घोळ असे म्हंटले जाते. हे पेय अधिक चवदार असते. उन्हाळ्यामध्ये या शीत पेयाचे सेवन आरोग्यदायी असते. हे पेय तयार करण्यासाठी दही, काळे मीठ, साखर, बर्फाचे पाणी याचा वापर केला जातो.

* तिखुर शरबत:

हे पेय छत्तीसगढमध्ये प्रसिद्ध आहे. उन्हाळ्यात या पेयाचे सेवन अधिक केले जाते. हे पेय एका औषधी वनस्पतीपासून बनवले जाते.यामुळे शरीरातील हाडांचे आरोग्य निरोगी राहते. तसेच हे शीत पेय पिल्यास शरीरातील उष्णता कमी होते.