Baby Care Tips: लहान बाळांना आंघोळ झाल्यावर आई शरीरातील ओलावा कमी करण्यासाठी करड्याने पुसते. तसेच पावडर देखाल लावते. असे केल्याने त्यांना असे वाटते की घामाचा आणि दुधाचा वास दूर होते.

पण तुमच्या बाळाच्या आरोग्यासाठी असे करणे खरोखरच योग्य आहे का? तर याचे उत्तर नाही असे आहे. लहान बाळांच्या मुलायम त्वचेसाठी टॅल्कम पावडर खूप हानिकारक असू शकते. कसे ते जाणून घेऊया.

• बेबी पावडर कशी बनवतात?

बेबी पावडर बनवण्यासाठी टॅल्कमचा वापर केला जातो.

टॅल्कम हे सिलिकॉन, मॅग्नेशियम आणि ऑक्सिजनपासून बनवलेल्या खनिजांपासून तयार केले जाते.

त्याचे लहान कण श्वासोच्छवासाद्वारे बाळाच्या शरीरात प्रवेश करू शकतात.

ज्यामुळे बाळाला श्वास घेण्यास आणि फुफ्फुसांना त्रास होऊ शकतो.

• बेबी पावडरचे दुष्परिणाम

टॅल्कम पावडरचे कण खूप लहान असतात. यामुळे ते सहज शरीरात प्रवेश करू शकतात.शिवाय बाळाच्या त्वचेची छिद्रे रोखू शकतात. पावडरचा अतिवापर एलर्जीची समस्या निर्माण करू शकते.पावडरचा वापर ६ महिन्यापेक्षा लहान बाळांसाठी करू नका.

• बेबी पावडर लावताना कोणती काळजी घ्यावी

बेबी पावडर बाळाच्या त्वचेवर लावण्याऐवजी हातात घ्यावी आणि मगच लावावी.असे करतांना जास्त पावडर लावू नका.

बाळाला पावडर लावताना त्याचा डबा बाळापासून दूर ठेवावा. तसेच एकाच वेळी पावडर घेऊन न लावता थोडी घेऊन लावावी.

बाळाला पावडर लावताना ते कधीही पंखा किंवा कूलरच्या हवेखाली झोपवून लावू नका. असे केल्याने पावडर श्वासाद्वारे बाळाच्या तोंडात किंवा डोळ्यात जावू शकते.

बाळाच्या चेहऱ्यावर बेबी पावडर लावू नका. असे केल्याने त्वचेची एलर्जी आणि रॅशेस येऊ शकतात.