परिणीताची लोलिता असो, भूल भुलैयाची चंद्रमुखी असो, द डर्टी पिक्चरची सिल्क स्मिता असो किंवा मिशन मंगलची आनंदी असो, प्रत्येक भूमिकेत विद्या परफेक्ट आहे. विद्या बालन प्रत्येक भूमिकेत जीव ओतून काम करते आणि ती भूमिका परफेक्ट कशी होईल यासाठी प्रयत्न करते. विद्या म्हणते की तिचा नेहमीच प्रभावशाली पात्रे साकारण्यावर विश्वास आहे आणि जेव्हापासून तिला अशा भूमिका मिळू लागल्या, तेव्हापासून विद्याची कारकीर्द देखील वाढली आहे. विद्या बालन बिनधास्त असून तिला नवनविन भूमिका करायला आवडते हे सर्वांना माहीत आहे. ती त्या भूमिकेत पूर्णपणे गुंतलेली असते. (Vidhya Balan Secrets)

स्त्री आणि पुरुष कलाकारांमध्ये फरक का?

विद्या बालनने असेही म्हटले आहे की, तिच्या स्टिरीओ प्रकारातील भूमिकेमुळे कोणी अडचणीत आले असेल तर तिला फरक पडत नाही. जर पुरुष अभिनेता स्टिरिओ प्रकारात खेळत असेल तर कोणालाच काही त्रास होत नाही. मात्र एखाद्या महिनेने तीच भूमिका केली तर तिच्याकडे बघण्याचा प्रेक्षकांचा आणि समाजाता दृष्टिकोन बदलतो. तेव्हा पुरुष आणि स्त्री अभिनेत्याच्या भूमिकेबद्दल असा विचार का केला जातो? असा प्रश्न विद्याने उपस्थित केला आहे.

जीवनात स्थिरता महत्वाची

विद्याच्या कारकिर्दीच्या सुरुवातीच्या टप्प्याबद्दल म्हणजे 2007 ते 2008 बद्दल सांगायचे तर, ती स्वत: मानते की त्या वेळी तिने कोणत्याही पात्रात उत्कृष्ट अभिनय केला नाही. तेव्हाच तिच्या लक्षात आले की असे निरर्थक काम सतत करून काही उपयोग होणार नाही. जीवनात कधीकधी स्थिरता आवश्यक असते. या ब्रेकमध्ये आपण स्पष्टपणे पाहू शकता की आपण कुठे बरोबर आहात आणि आपण कुठे चुकीचे आहात. आपण आपल्या कामाचे निरक्षण करू शकतो, आपल्या कामात सुधारणा करण्याची ही आपण स्वत:ला दिलेली ही एक संधी असते.

नकारात्मक भूमिका महत्वाची

विद्या बालनला वाटते की स्त्री अभिनेत्रीची भूमिका नकारात्मक व्यक्तिरेखेतून फुलते आणि आजच्या काळात अशा भूमिका देखील वेगळ्या मानल्या जातात, ज्यामध्ये पुरुषांऐवजी महिला कलाकार अशा भूमिका करत आहेत.

नायक किंवा नायिकांमध्ये काय फरक आहे

आपल्या चित्रपटात नायक असो वा नसो याने काही फरक पडत नाही, असे विद्याचे मत आहे. तिने बॉलिवूडमधील काही सर्वोत्कृष्ट अभिनेत्यांसोबत काम केले आहे आणि आणखी पुढेही मोठे काम करण्याची इच्छा आहे. पण नायिका स्वतःहून चित्रपट चालवू शकत नाही,अशी ज्या अभिनेत्यांची विचारसरणी आहे, अशा लोकांसोबत काम करताना नक्कीच मला संकोच वाटतो, असे विद्याचे म्हणणे आहे.

अनेक अभिनेत्रींनी नकारात्मक भूमिका साकारल्या आहेत

नकारात्मक भूमिकांबद्दल बोलायचे झाले तर, रेखा, श्रीदेवी, मीना कुमारी, माधुरी दीक्षित, हेमा मालिनी, जया बच्चन आणि शबाना आझमी यांच्यासह अभिनेत्रींनी यापूर्वी अनेक वेळा चित्रपटांमध्ये नकारात्मक भूमिका साकारल्या आहेत. त्यामुळे आता अभिनेत्रींसाठी पुन्हा एकदा नकारात्मक भूमिकांचे युग परत येत असल्याचे विद्याला वाटते.