२६ जुलै दिवशी सेंट ॲनचे फेस्त साजरे होते. सेंट ॲन ही येशू ख्रिस्ताची जन्मदात्री मेरीची माता आहे असे ख्रिस्ती धर्मात मानले जाते.
सेंट ॲन यांची अनेक प्रार्थनास्थळे पाहावयास मिळतात. युरोपातील अनेक देशात अशी पुरातन प्रार्थना मंदिरे आहेत.
गोवा येथे संतानदेवीला (सांतेरी) पूजणाऱ्या लोकांनी धर्मांतर झाल्यावर सेंट ॲनमध्ये संतानदेवीचे रूप पाहिले.
तळावली गावात सेंट ॲनचे प्रार्थनास्थळ युरोपियन आणि भारतीय वास्तूकलेच्या मिश्रणातून उभे झाले. या चर्चच्या लौकिकामुळे तत्कालीन पोर्तुगीज सरकारने या वास्तूला राष्ट्रीय स्मारकाचा दर्जा दिला.
सेंट ॲनची प्रार्थना मंदिरे ओलावली, पर्रा, आगोंद, बोडिये, फोंडा इथेही बांधण्यात आली. संतानदात्री देवता असे सेंट ॲनचे महत्त्व सर्वत्र पसरले.
सेंट ॲनचे फेस्त २६ जुलैला जगभर साजरे होत असले तरी गोव्यात हे फेस्त रविवारी साजरे करतात.
तवश्‍यांचे फेस्त नावाने तळावलीत होणाऱ्या फेस्ताच्या दिवशी भाविकांनी गजबजते. लोक आपल्या मागण्यांसाठी इथे नतमस्तक होतात.
अगरबत्ती, फुले, सेंट ॲनसमोर वाहणे तसेच घरगुती प्रसाद आणि काकडी, उडीद अर्पण करण्यामुळे ख्रिस्ती संस्कृतीचे झालेले भारतीयीकरण पाहणे हा एक वेगळा अनुभव असतो.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.