टीव्ही स्टार मौनी रॉय (Mouni Roy) काही दिवसांत लग्नबंधनात अडकणार आहे. ही अभिनेत्री 27 जानेवारीला उद्योगपती सूरज नांबियारसोबत लग्नगाठ बांधणार आहे. या अभिनेत्रीचे लग्न गोव्यात थाटामाटात पार पडणार आहे. त्याचवेळी, मौनी रॉय लग्नासाठी काही खास लोकांनाच आमंत्रित करणार असल्याची चर्चा आहे. त्यानंतर मुंबईत ती तिच्या इंडस्ट्रीतील मित्र आणि स्टार सेलिब्रिटिजना लग्नाच्या रिसेप्शनला आमंत्रित करणार होती. पण आता मौनीने तिच्या लग्नाचे रिसेप्शन रद्द केल्याचे वृत्त आहे. मौनीने लग्नाच्या काही दिवसानंतर मुंबईतील मित्र परिवारासाठी एका रिसेप्शन पार्टीचे आयोजन केले होते. (Mouni Roy Wedding Reception)

या कारणामुळे मौनीने रिसेप्शन पार्टी रद्द केली

बॉम्बे टाईम्सच्या रिपोर्टनुसार, मौनीने आता हे रिसेप्शन रद्द केले आहे. सूत्रानुसार- 'मौनी आणि सूरजने त्यांच्या मित्रांसाठी लग्नानंतर एक रिसेप्शन पार्टी आयोजित केली होती. पण कोविड 19 चा धोका लक्षात घेऊन त्यांना ही पार्टी रद्द करावी लागली. कोविडच्या वाढत्या संक्रमणाचा दोका लक्षात घेता परिस्थितीचे गांभीर्य राखत मौनीने हा निर्णय घेतला आणि आपले सर्व लक्ष लग्नाच्या कार्यक्रमावर केंद्रित केले.

आरटी पीसीआरशिवाय प्रवेश नाही

अभिनेत्री मौनीला लग्नासा निमंत्रीत केलेल्या अनेक लोकांची नावे कमी करावी लागली. कोविडच्या पार्श्वभूमीवर मौनीने पाहुण्यांच्या यादीतून अनेकांची नावे कापली. ज्यांच्याकडे आरटी-पीसीआर रिपोर्ट असेल तेच लग्नात प्रवेश करू शकणार आहे. कार्यक्रमस्थळावरील प्रत्येक पाहुण्याकडून आरटी पीसीआर अहवालही मागवला जाणार आहे. त्यानंतरच पाहुण्यांना लग्नाच्या ठिकाणी प्रवेश दिला जाईल.

मौनी सूरजचे लग्न वेगवेगळ्या रितीरिवाजानुसार होणार

मौनी रॉय आणि सूरज बंगाली आणि दक्षिण भारतीय परंपरेनुसार लग्ण करणार आहे. गोव्यातील रोमँटिक व्हाईट वेडिंगनंतर दोघेही पूर्ण हिंदू रितीरिवाजाने लग्नबंधनात अडकणार आहेत. मौनीच्या लग्नाचे इव्हेट्स लवकरच सुरू होणार आहे. 26 जानेवारीपूर्वी संगीत, मेहंदी आणि हळदीचा कार्यक्रम होणार तर दुसरीकडे, सूरज आणि मौनी 26 रोजी बंगाली रितीरिवाजांनुसार लग्न करणार आहेत. या लग्नाला एकूण 27 ते 50 लोक उपस्थित राहणार आहेत.