गोवा: जैवविविधतेने समृद्ध असा गोवा पर्यटकांच्या आकर्षणाचा केंद्रबिंदू आहे. येथील वन्यजीव अभयारण्ये पाहण्साठी पर्यटक मोठी गर्दी करतात.

आंतरराष्ट्रीय व्याघ्र दिन: आज (29 जुलै) आंतरराष्ट्रीय व्याघ्रदिन साजरा होत असताना गोव्यासारख्या सुशिक्षित म्हटल्या जाणाऱ्या राज्यात अन्नसाखळीच्या शिखरस्थानी असलेल्या ढाण्या वाघांना हक्काच्या नैसर्गिक अधिवासासाठी मुकण्याची केविलवाणी वेळ आलीय.

भारतात व्याघ्र प्रकल्प: भारतात ढाण्या वाघांचे संरक्षण आणि संवर्धनासाठी तत्कालीन पंतप्रधान इंदिरा गांधी यांनी 1973 मध्ये व्याघ्र प्रकल्प कार्यक्रमाला भारतात प्रारंभ केला.

वाघांची संख्या: देशात 3,682 वाघ आहेत.

वस्तीस्थानासाठी अधिसूचना: 1999 मध्ये गोव्याचे तत्कालीन राज्यपाल निवृत्त लेफ्टनंट जनरल जेकब यांनी म्हादई खोऱ्याची ढाण्या वाघांच्या दृष्टीने असलेली क्षमता ओळखून अभयारण्य म्हणून अधिसूचना काढली होती.

अधिसूचना फेटाळली: मात्र गोवा सरकारने म्हादई आणि नेत्रावळी अभयारण्यातील लोह-मँगनिज खाणीतल्या खनिज उत्खननासाठी अभयारण्याची अधिसूचना फेटाळली.

वाघांची हत्या: 2018 च्या व्याघ्र गणनेत गोव्यात 3 वाघ असल्याचे स्पष्ट झाले होते. मात्र 2019 मध्ये म्हादई क्षेत्रात 4 वाघांच्या हत्येची दुर्घटना प्रकाशात आली.

भवितव्याला सुरुंग: आज आंतरराष्ट्रीय व्याघ्र संवर्धन दिन साजरा होत असताना गोवा सरकार मात्र म्हादई अभयारण्यातील वन खात्याची पकड ढिली करुन ढाण्या वाघांच्या अस्तित्वासाठी इथली जंगले कशी प्रतिकूल होतील यासाठीच प्रयत्न करतेय.