वायुसेना दिवस: भारतात 8 ऑक्टोबर रोजी 'वायुसेना दिवस' म्हणून साजरा केला जातो.

वैमानिकांचा सन्मान: आजच्या (8 ऑक्टोबर) दिवशी देशाकरीता आपल्या प्राणाची आहुती देणाऱ्या सैन्य आणि त्यांच्या वैमानिकांचा सन्मान केला जातो.

92 वा वायुसेना दिन: यंदा भारत '92 वा वायुसेना दिन' साजरा करत आहे. दरवर्षी या दिवशी, भारतीय हवाई दलाच्या विमानांद्वारे आकाशात थरारक स्टंट केले जातात.

विशेष गोष्टी: आज (8 ऑक्टोबर) आपण या फोटोस्टोरीच्या माध्यमातून भारतीय वायुसेना देशाच्या संरक्षणासाठी युद्धाशिवाय इतर अनेक गोष्टी करते, ते जाणून घेणार आहोत.

चौथे सर्वात मोठे दल: भारतीय वायुसेना (IAF) हे अमेरिका, चीन आणि रशियानंतर जगातील चौथ्या क्रमांकाचे हवाई दल आहे.

स्थापना: भारतीय वायुसेनेची अधिकृतरित्या 8 ऑक्टोबर 1932 रोजी स्थापना झाली. तेव्हापासून हा दिवस देशभरातील 'हवाई दल' तळांवर एअर शो आणि परेडसह साजरा केला जातो.

मुख्य जबाबदारी: भारतीय हवाई दलाची (IAF) मुख्य जबाबदारी भारतीय हवाई क्षेत्राचे संरक्षण करणे तसेच कोणत्याही संघर्षाच्या वेळी हवाई लढाई करणे ही आहे.

उद्धिष्ट: लष्कर आणि नौदलाच्या समन्वयाने हवाई धोक्यांपासून राष्ट्र आणि त्याच्या हवाई क्षेत्राचे रक्षण करणे हे भारतीय हवाई दलाचे प्राथमिक उद्दिष्ट आहे.

काम: भारतीय वायु सेना भारतीय सशस्त्र दलाच्या इतर दोन शाखा, अंतराळ विभाग आणि भारतीय अंतराळ संशोधन संस्था (ISRO) यांच्या सहकार्याने एकात्मिक अंतराळ शाखा देखील चालवते.