ईद-उल-अजहा म्हणजेच बकरी ईदचा उत्सव भारत, पाकिस्तानसह जगभरात साजरा केला जातो. त्याचवेळी सीमा सुरक्षा दल (बीएसएफ) आणि पाकिस्तान रेंजर्स यांनी देखील काल बुधवारी या प्रसंगी सीमेवर विविध ठिकाणी मिठाईची देवाणघेवाण केली. ही प्रथा पाकिस्तानने 2019 मध्ये थांबविली होती, परंतु यावर्षी पुन्हा ही प्रथा सुरू करण्यात आली आहे. (India-Pakistan armies exchange sweets on the occasion of BakriEid)

दोन्ही देशांच्या सीमेवर वाढत्या तणावामुळे ही प्रथा बंद करण्यात आली होती. मात्र, यावर्षी पुन्हा नव्याने सुरुवात करण्यात आली आहे.

बीएसएफच्या प्रवक्त्यांनी सांगितले की, पाकिस्तानच्या वाघा सीमेच्या समोर असलेल्या पंजाबमधील अमृतसर जिल्ह्यातील जेसीपी (जॉइंट चेक पोस्ट) अटारी येथे ईदनिमित्त बीएसएफ आणि पाकिस्तान रेंजर्समध्ये मिठाईची देवाणघेवाण झाली.

राजस्थानच्या मोर्चावर देखील दोन्ही सैन्यांत मिठाईचे वाटप करण्यात आले

दोन देशांमधील वाढत्या तणावामुळे पाकिस्तान आणि भारत यांनी कोणत्याही सणाला मिठाई वाटली नाही, पण आता पुन्हा ही प्रथा सुरू झाली.

5 ऑगस्ट 2019 रोजी नरेंद्र मोदी सरकारने घटनेच्या कलम 370 च्या तरतुदी रद्द केल्या, ज्यांनी जम्मू-काश्मीरला विशेष दर्जा परत घेतला होता. यामुळे दोन्ही देशांमध्ये तणाव वाढला होता.