गोवा: गोव्याला निसर्गाचं वरदान लाभलं आहे. पश्चिम घाटातील हे राज्य जैवविविधतेने समृद्ध आहे. आज आपण या फोटोस्टोरीच्या माध्यमातून दिवार बेटाबद्दल जाणून घेणार आहोत.

दिवार बेट: गोव्याची राजधानी पणजीपासून 10 किमी अंतरावर असलेले दिवार बेट पाहण्यासाठी दरवर्षी मोठ्याप्रमाणात पर्यटक येतात. या बेटावर जाण्यासाठी कोणताही रस्ता नाही.

फेरी सेवा: जुन्या गोव्यातून फक्त फेरी सेवेद्वारे या बेटावर तुम्ही जाऊ शकता. हे बेट नैसर्गिक सौंदर्य आणि शांतता यांचा उत्तम मेळ आहे.

पोर्तुगिज शैली: दिवार बेट पोर्तुगीज शैलीत बांधलेल्या विंटेज घरांनी नटलेले आहे. ‘दिवार’ हा शब्द ‘दिपावती’ या शब्दापासून आला आहे, ज्याचा अर्थ कोकणी भाषेत ‘लहान बेट’ असा होतो.

कर्नाटक-गोवा यांच्यातील दुवा: दिवार बेटावर एक तलाव आणि स्मशानभूमी कर्नाटक आणि गोवा यांच्यातील जुने संबध दर्शवतो.

दोन प्रमुख मंदिरे: दिवार बेटावर दोन प्रमुख मंदिरे होती - सप्तकोटीश्वर मंदिर आणि गणपती मंदिर. अल्लाउद्दीन हसन गंगूच्या बहामनी राजवटीत सप्तकोटीश्वर मंदिर नष्ट झाले होते.