आजचे पंचांग

(ज्योतिषाचार्य: सारंग चिक्षे)

मंगळवार,२९ आक्टोबर २०२४,अश्विन कृष्ण पक्ष, शरद ऋतु,क्रोधी नाम संवत्सर,शके १९४६.

• तिथि- द्वादशी १०:३२

• रास- कन्या

• नक्षत्र- उत्तराफाल्गुनी १८l३४

• योग - ऐंद्र ०७l४८

• करण - तैतील १०l३२

• सूर्योदय - ०६:३९

• चंद्रोदय - २८:४२

• दिनविशेष - ८.प.चांगला दिवस

आजचे राशीभविष्य

मेष - भावंडांशी संपर्क होईल, जवळचे प्रवास होतील.

वृषभ - घरगुती व्यवसायात उत्तम लाभ होईल, जमीन, प्लॉट इत्यादी क्षेत्रातील कामे जलद गतीने होतील, घरामध्ये प्रसन्न वातावरण राहील.

मिथून - स्नेही मित्रांची भेट होईल, प्रेमासाठी केलेले प्रयत्ने फलदायी ठरतील,संततीसुख मिळेल, भागीदारीत विशेष फायदा होईल.

कर्क - आरोग्य समस्या जाणवतील, प्रतिकार शक्ती कमी होईल, नातेवाईकांकडून मानसिक त्रास संभवेल.

सिंह - भागीदारीत उत्तम लाभ मिळेल, कोर्ट-कचेरीच्या त्रासातून सुटका होईल अथवा त्यामधून उत्तम मार्ग मिळेल.

कन्या - गेलेले पैसे अर्थात मिळण्याची शक्यता आहे, तसेच घेतलेले कर्ज इत्यादी फिटण्यास मदत होईल, नातेवाईकांकडून मदत मिळेल,परंतु काही काळ एकटेपणा देखील जाणवेल. अधिक विचारात राहू नका.

तूळ - प्रवास होईल परंतु तो थोडा त्रासदायक ठरेल, थकवा जाणवेल,अशक्तपणा किंवा अस्वस्थपणा जाणवेल, उत्तम स्थीतीसाठी नियमित व्यायाम तथा ध्यान धारणा करावी.

वृश्चिक - व्यवसायातील वस्तूंना भाव मिळेल, लाभ होईल, सुगंधी वस्तूंचा व्यवसाय असता छान भरभराट होईल.

धनु - कष्ट केल्याचे फळ मिळण्याचा काळ आहे, ओळखीचे लोक भेटतील,संतती सौख्य मिळेल, मार्केट सारख्या क्षेत्रात यश लाभेल.

मकर - जोडीदारासह वादविवाद होण्याची शक्यता आहे, थोडक्यात गैरसमज होऊ शकतो, एकांत हवा हवासा वाटेल, मानसिक स्थिती सांभाळावी, इष्ट देवतेचे चिंतन करावे.

कुंभ - संशयात्मक विचार येतील,कामे पूर्ण होतील परंतु लाभ थोडा उशिरा मिळेल आणि उत्तम मिळेल,पती /पत्नीतील मनमुटाव दूर होईल,आरोग्य सांभाळावे.

मीन - कुटूंबातील लोकांच्या कुरबुरी असतील,मानसिक स्थिती बिघडेल,अशा त्रासांकडे दुर्लक्ष केले तरच ते कमी होतात,काही काळ मौन राहावे, महत्वाकांक्षा कमी होऊ देऊ नका.