पर्वरी : मालीम-बेती जेटीवर शुक्रवारी रात्री मारहाण करून नदीत फेकून दिलेल्‍या शिब्रण राम (20, मूळ छत्तीसगड) या मच्छीमारी बोटीवर काम करणाऱ्या कामगाराचा मृतदेह आज सकाळी जेटीजवळच मांडवी (Mandovi) नदीत तरंगताना सापडला.

पोलिसांनी शिब्रण रामचा खून केल्याच्या आरोपाखाली सुमीत विनोद कुजूर (20, छत्तीसगड) याला अटक केली आहे. अन्य तिघे जण फरार आहेत. या प्रकरणी पोलिसांनी (police) सुमीत कुजूर व अन्य संशयितांवर खुनाचा (Murder) गुन्हा दाखल केला आहे. पर्वरीचे पोलिस निरीक्षक अनंत गावकर यांच्‍या मार्गदर्शनाखाली साहायक पोलिस निरीक्षक सीताराम मळीक पुढील तपास करत आहेत. या घटनेमुळे परिसरात खळबळ उडाली आहे.