Women Development: हेडलॅण्ड- सडा येथे महिलांसाठी आयोजित केलेल्या व्यवसाय प्रशिक्षण शिबिरातील शिलाई प्रशिक्षण वर्गात सहभागी झालेल्या महिलांना आमदार संकल्प आमोणकर यांच्याहस्ते शिलाई मशिन्सचे वाटप करण्यात आले.

तसेच टेलरिंग कोर्सचा अभ्यासक्रम पूर्ण केलेल्या महिलांना प्रशस्तीपत्रे प्रदान करण्यात आली. यावेळी नगरसेविका श्रद्धा आमोणकर उपस्थित होत्या.

सदर प्रशिक्षण शिबीर हस्तकला खात्यातर्फे आयोजित करण्यात आले होते.यावेळी आमदार संकल्पआमोणकर यांनी सांगितले की, शिलाई मशिनमुळे गृहिणींचे मनोबल वाढेल व त्या आर्थिकदृष्ट्या स्वावलंबी बनतील. महिला सक्षमीकरण व स्वयंरोजगाराच्या उद्देशाने इतर अभ्यासक्रमही उपलब्ध करून देण्यात आल्याचे त्यांनी यावेळी स्पष्ट केले.