Bethora Firing

बेतोड्यात शुक्रवारी (दि.08 मार्च) पहाटे दुचाकी चालकावर गोळीबार केल्याची घटना उघडकीस आली. यात दुचाकी चालक सचिन कुर्टीकर यांना दुखापत झाली असून, उपचारासाठी त्यांनी जीएमसीत दाखल करण्यात आले आहे.

जखमी सचिन उसगाव ते बोरी असा प्रवास करत असताना, अज्ञान व्यक्तीने त्यांच्यावर गोळीबार करून घटनास्थळावरुन पळ काढला.

गोळीबाराची घटनेची माहिती मिळताच दक्षिण गोवा पोलिस अधीक्षक सुनीता सावंत पोलिस कर्मचाऱ्यांसह घटनास्थळी दाखल झाल्या. पोलिसांनी पंचनामा करुन मोटार तांत्रिकाला आणून गाडीच्या स्पीडोमीटरमध्ये अडकलेली गोळी बाहेर काढण्यात आली.

गोळीबारीची घटना घडली त्या मार्गावर बसविण्यात आलेल्या सीसीटीव्ही कॅमेरे कार्यरत नसल्याने पोलिसांना तपासात अडथळा येत आहे.

दरम्यान, जखमी सचिन कुर्टीकर यांच्या आई आणि बहीण यांनी पोलिसांत तक्रार दाखल केली असून, पोलिसांनी गुन्हा नोंद केला आहे.

घटनास्थळी फॉरेन्सिक टीम दाखल झाली असून, अधिक तपास सुरु आहे. नातेसंबधातून गोळीबार घडल्याचे प्राथमिक तपासातून समोर आल्याची माहिती एसपी सुनीता सावंत यांनी दिली.

तीन महिन्यांपूर्वी कोणत्यातरी प्रकरणात झालेल्या वादातून जखमी सचिन यांना मारहाण झाल्याची माहिती समोर आल्याचे सावंत यांनी सांगितले. दरम्यान, या प्रकरणातील सर्व अँगल तपासून पाहिले जात असून, अधिक तपास सुरु असल्याचे सावंत म्हणाल्या.