बेतोड्यात पहाटे गोळीबार झाल्याची घटना समोर आली आहे. दुचाकीवरुन निघालेल्या एकावर अज्ञात व्यक्तीने गोळीबार केला असून, दुचाकी चालक जखमी झाला आहे. शुक्रवारी (दि.०८) पहाटे सहाच्या सुमारास ही घटना घडली.
गोळीबाराचे कारण अद्याप समजू शकले नसून, दक्षिण गोवा पोलिस अधीक्षक सुनिता सावंत घटनास्थळी दाखल झाल्या आहेत.
सचिन कुर्टीकर असे गोळीबारात जखमी झालेल्या दुचाकी चालकाचे नाव आहे.
मिळालेल्या माहितीनुसार, दुचाकी चालक सचिन उसगाव येथून बोरीच्या दिशेने जात होता. यावेळी अज्ञात व्यक्तीने त्याच्यावर गोळी झाडली. गोळीबारानंतर अज्ञात व्यक्ती घटनास्थळावरुन फरार झाला. जखमी सचिनला उपचारासाठी गोवा वैद्यकीय महाविद्यालयाच्या रुग्णालयात दाखल करण्यात आले आहे.
पोलिस घटनास्थळी दाखल झाले असून, पुढील तपास सुरु आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.