मुंबई : देशातील पाच राज्यांचा निवडणूक कार्यक्रम जाहीर झाल्यापासून राजकीय रणधुमाळीला सुरुवात झाली आहे. महाराष्ट्राच्या शेजारील गोवा राज्यातही विधानसभा निवडणूक होत आहेत. महाराष्ट्राप्रमाणे गोव्यातही महाविकास आघाडीसाठी प्रयत्न सुरू आहेत. तसेच गोवा विधानसभा निवडणुकीसाठी भाजपने प्रभारीपदाची जबाबदारी देवेंद्र फडणवीस यांच्यावर सोपवली आहे. त्यांच्यावर शिवसेना खासदार संजय राऊत (Sanjay Raut) यांनी टीकास्त्र सोडले आहे. देवेंद्र फडणवीस (Devendra Fadnavis) गोव्यात गेले आणि भाजप (BJP) पक्ष फुटला, अशी खोचक टिप्पणी संजय राऊत यांनी केली. याचपार्श्वभूमीवर बोलताना आज देवेंद्र फडणवीस यांनी राऊतांचा खरपून समाचार घेतला. ते यावेळी बोलताना म्हणाले की संजय राऊतांना गोव्यात कोण ओळखते?

दरम्यान, देवेंद्र फडणवीस यांनी दावा केला की मायकल लोबो यांचा निर्णय "स्वार्थी कारणांनी" प्रेरित होता. प्रसारमाध्यमांशी संवाद साधताना, भाजपच्या गोवा निवडणूक प्रभारी यांनी ठामपणे सांगितले की लोबो आपल्या पत्नीला निवडणुकीचे तिकीट देण्यास तयार नसल्यामुळे त्यांनी पक्ष सोडला. त्याच वेळी, त्यांनी असा युक्तिवाद केला की आमदारांच्या बाहेर पडल्याने फरक पडणार नाही कारण राज्यात पुन्हा एकदा भाजपा पक्ष सत्तेवर येणार आहे. लोबो व्यतिरिक्त, भाजपचे इतर 3 आमदार- अलिना साल्दान्हा, कार्लोस आल्मेडा आणि प्रवीण झांटये यांनीही पक्ष सोडला आहे.

दरम्यान संजय राऊत म्हणाले होते की "शिवसेना हा सर्वसामान्यांचा पक्ष आहे. आर्थिक प्रलोभनाला बळी पडू नका, असे आम्हाला जनतेला सांगायचे आहे," असे ते म्हणाले.

महाराष्ट्राप्रमाणे भाजप गोव्यात जनादेश विकू देणार नाही या देवेंद्र फडणवीस यांच्या कथित टिप्पणीवर राऊत म्हणाले की, प्रवीण झांट्ये आणि मायकल लोबो यांच्यासारख्या नेत्यांनी फडणवीसांच्या देखरेखीखाली गोव्यात भगवा पक्ष सोडला होता.